Shillong, Mar 15: Meghalaya a•doknasan ong•aigija Assam aro North Bengal-onaba coke aro uandakgipa ringanirangko watatna man•na gita North Garo Hills a•jani Mendipathar-o Pepsi karkanako kulina bi•aniko Sukrobar salo, Chief Minister Conrad K Sangma-chi dilenggipa Meghalaya sorkari ra•chakangaha.
Mendipathar-o ia Pepsi karkanako kulina gita Sukrobar salo, a•dokni Chief Minister Conrad Sangma an•tangan songgigrikgimin lekkarangko Varun Beverages company-na pakwate on•ataha.
“Ia salara Garo Hills-na aro Meghalaya a•dok gimiknan namen dingtangmanchagipa sal ong•aha maina skanggipa changna ia dal•begipa company, a•doko ia dal•begipa karkanako kulina ja•kuko de•chakataha. Ian a•dokni namroro silroroanio dakchakanirangko ra•bagen,” ine Chief Minister aganaha.
Chief Minister-ni parakatani gitade, Mendipathar-o ia karkanako kulina gita Pepsico, gong crore 185-mangni gita tangka paisarangko koros ka•gen aro ja 12-ni gisepon ia karkanako kulina ka•dongsoenga.
“Ia karkanako kulianichi ia jolrango rama jal•langrangko namdapatan baksana jolni manderangna kamrangko ka•e cha•na cholrangba ong•gnok,” ine Sangma aganaha.
Meghalaya Industrial & Investment Promotion Policy (MIIPP) 2024-ko a•bachengatanichi dingtang dingtang private company-rang baksa crore 2,957 ong•gipa Memorandum of Understanding (MoU)-rangko soi ka•na man•aha aro ian a•dokna bang•en namgniko ra•baaha ineba ua aganaha.
Mendipathar-o railway station-ko kuliani ja•man Garo Hills-osan ong•aigija Meghalaya a•dok gimikon bading chiwalni kamrang tang•dobaaha ine nikna man•a.
Na·simang ia video-koba nina man·gen:
Na·simang iakoba poraina man·gen: Tura-ni gital Master Plan Draft-ko Nokma Council jegala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
