Shillong, February 21: Shillongni Lewduh antidamo me•su palbadinggiparangni kosako palbadingskagiparangni ong•gija dake kajina ra•aniko Hills Farmes Union Minister incharge of metrology Renikton Tongkhar na u•iataha.

Sorkari iako nirokatna nangchongmota, uamangni indake bading-chiwalgiparangoniko ra•chepe ra•anirangko sorkari niatchongmotna nanga ine Hills Farmes Union ni padot Comander Shangpliang aganaha.

“Skatang niamni a•palo taxrangko ra•na man•jawa ine Lewduh-o sign board-o tape donako nikomangba uamang manigija ong•gija ra•draenga, unigimin chinga me•su palbadinge cha•enggiparangni neng•nikaniko u•iatna minister inchargena u•iataha ine Shangpliang aganaha.

“Chingni bosturang kg 3 mang ong•genchimode uamangde kg 4 rangona tang•doate tol•e palrongenga, ian ning•tue chanchie kam ka•ani ong•enga” ineba Shangpiliang agandapaha.