Guwahati, Aug 13: A·song gimikona mikrakataniko on·a misonganio re·jomaani bak gita salgro salaramni dam chet a·dokrango Mission Healthy Bharat -Sampoorna Bharat Yatra-ko ong·atani namen matchotaha.
Ia Campaign-ko bilsi 23 ong·kuenggipa chadambe Taasi Upadhyay, 2025 bilsini March 9 tarikoni Uttar Pradesh-ni Meerut-oni a·bachengataha aro da·o dipet dam chikkung a·dokrangko chong·motan, Uttar Pradesh, Bihar, Sikkim, Arunachal Pradesh, Assam, Meghalaya, Tripura, Mizoram aro Manipur a·dokrango Bullet motorcycle-o songreani matchotaha. Uamang a·songni dam 28 a·dokrang baksana dam chet Union Territory-rangona re·jomaange, an·sengbaljoke dongani aro be·enna namgipa cha·anirangko cha·ani, samtangtango donggipa gamrangko ripinge rakkiani aro Climate Change-ni bidingo, matburingrangko namgija dakaoniko champengsoani, bol wa·arangko ge·na didiani, chadambe aro me·chikrangko bil ganatani bidingo skulrango, college-rango, songsalo aro pilak institution-rango mikrakataniko on·a miksonganio ia Campaign-ko ong·atenga.
Indake a·songni pilak a·dokrangona, Union Territory aro damgni chichango donggipa Territory-rangona re·jomaaniko dakengon, 1.5 bilsini gisepo matchotnaba gnang aro iako dakengon mingbri kamrang jekai, a·gilsak gimikoni bike-o songreenggipa me·chikrangoni chadambebatgipa, a·gilsak gimikoni dal·batsranggipa songreani, an·sengbaljokgipa songreani aro World Vegan Vision baksa nangrime be·en cha·aniko dontongchina mikrakatani campain-rangoni dal·batsranggipa campain ong·anina World Record-ko man·aba uamang miksongenga ine Taasi Upadhyay kobor ra·timgiparangna aganaha.
Indake da·o dipet, sak lakh 5 manderang, lakh 1 NGO-rang, administration aro jolo donggipa manderang baksa bakrimaha aro IITs, NITs aro songadamo donggipa skulrangko man·chape dam 100-na batpilen educational institution-rango session-rangko ong·ataha.
Mikkangchi uamang, West Bengal, Jharkhand, Andhra Pradesh, Tamil Nadu, Puducherry aro Andaman & Nicobar Island-ona songreangskagen aro iarangona songreangmane bon·kame Delhi-o ia Sampoorna Bharat Yatra-ko matchotatgen ineba Upadhyay aganaha.
Na·simang iakoba nina man·gen:
Na·simang iakoba poraina man·gen: Mikkarang dondikgija waanichi Guwahati-ni ramarang aro footpath-rangko chi ripa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
