Shillong, Aug 13: Shillong songjinmani Bara Bazar ba Iewduh-ko pilakni gitan namdapatna aro nitobatatna gita a•dok sorkari, gong crore 40-oni crore 45-na baten tangka paisarangko koros ka•gen ine Budbar salo, Meghalaya a•dokni Chief Minister Conrad K Sangma parakataha.
North Eastern Council (NEC)-ni crore 14 chame on•gipa project-ni gnigipa bakna pangchakaniko songe on•anganio jinmana aganprakatengon, Iewduh-ni gamchatgipa ong•ani bidingo ua Union DoNER Minister baksa agangrikani ja•man ia project-na ua tangka paisarangko kusi ong•en chamataha aro da•alo ia Iewduh-ko nitoatani gnigipa bakna pangchakaniko songe on•na man•aha ine Chief Minister, Union Minister-ko mittelpilangaha.
Ia project-ni crore 5 ong•gipa skanggipa bakko a•bachengatmanaha ine janapatengon, da•alo ua an•tangan ia kamrangko niangaha ine Sangma aganaha.
Ia project-ni gittamgipa bakna gong crore 20-mang koros ong•naba gnang ine ka•dongsoenga aro iana da•o Detailed Project Report (DPR)-ko tariengaha ineba Chief Minister parakataha.
Iewduh-o dokkan dakenggipa aro bading chiwale cha•enggipa pilak manderangkon, rongtal an•talako rakkichina gitaba ua didiangaha.
Na·simang iakoba nina man·gen:
Na·simang iakoba poraina man·gen: Mission Healthy Bharat Yatra salgro salaram a·dokrango namen matchota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
