Guwahati, July 12 : Mizoram a·doko silchidarerangko badingsrukani bidingo sak 5 manderangni kosako National Investigation Agency (NIA) chargesheet-ko segataha. Rim·a man·gipa manderang chong·motan, Lalbiakchunga jekon Divid ba David ineba u·itokachim, Lathawmcheuva ba Thawma, Malsawma ba Malsawma Loncheu, Ruamliansanga ba Sanga aro Alok Bikash Chakma-ni kosako Bharatiya Nyaya Sanhita (2023), Unlawful Activities (Prevention) Act (1967), Arms Act (1959) aro Foreigners Act (1946)-ko man·chape dingtang dingtang niamrango pangchake case-ko segataha.
2025 bilsini January 15 tariko, Mizoram Police iani bidingo case-ko segatchengaha, indake jamano uamang ia case-ko March jao NIA-na pakwatataha. NIA dolni am·sandianiko dakon, ian jolo silchidarerangko palbadingani case ong·ja indiba ian Bangladesh-ni Chittagong-o donggipa champenggimin dol United People’s Democratic Front (UPDF)-na silchidarerangko watani dal·begipa miksongani bak ong·a ine u·ina gita man·aha.
NIA dol, Mizoram-ni Mamit a·jani Saithah-oni bol 6 AK-47 rifle-rang, ge 13 magazine-rang aro rong 10,050 Slai guli-rangko man·aha. NIA-ni aganani gitade uamang am·sandianirangko dakengkua aro ta·raken iano bak dongpagipa bang·a manderangko rim·angkunaba donga ineba u·iataha.
Na·simang iakoba poraina man·gen:
Na·simang iakoba poraina man·gen: NGH Area Development Demand Committee-ni tom·bimonganiko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
