Aizawl, April 28: April jani 27 tariko, Mizoram-ni Khawzawl a•jao balminduri tarakangani a•sel, damgni songrangni te 100 mangni gita nokrang nosto ong•atako man•aha.
A•bachengo koborrangko man•soani gitade, Sonibar walni 2 bajirango, balminduri baksa bilongbe•e mikka balwa ta•rakbaani a•sel Tualpui songni te 24 nokrang chu•gimik nosto ong•atako man•aha aro Vankala songo te 27 nokrang adita nosto ong•anirangko man•skaaha.
Ia ong•a obostarangni gimin, Khawzawl a•jani Deputy Commissioner K Lalrohlua, nokgri jamgri ong•gipa manderangna taraken nangchongmotgipa bosturang baksana tarpaulin-rangko Tualpui songni SDC Elijah LH Sanga-ni jakchi suale on•angaha. Uandake, Vankala songoba apsandake robibar salo nangchongmotgipa bosturangko sualangaha.
District Administration, Village Level Disaster Management Committee-rang baksa apsan bakrime, balminduri-ni a•sel nokgri jamgri ong•gipa manderangko nirok simsakaniko on•a gita kamko ka•enga.
State Disaster Response Fund (SDRF)-ni tangka paisarangni gita dakchakanirangko chu•gimik am•sandie nia jamano nokgri jamgri ong•atako man•gipa nokdangrangna on•anggen. Indake relief fund ba tangka paisarangko Village Disaster Management Committee-rangni bank account-ona watatgen, jeonikon uamang duko ga•akgipa manderangna suale on•atgen.
Ia obosta ong•anio, sorkarini taraken dakchakaniko sokatanina kusi ong•e mitelpilaniko dakengon, Tualpui aro Vankala-o songdong a•chaenggipa manderang, balminduri-ni a•sel nosto ong•atako man•gipa nokjamrangko taripiltaina man•kuja dipet aro janggi tangani cholrangko a•bachengataina man•kuja dipet dakchakanirangko on•chinaba didianiko dakangaha.
Na·simang ia video-koba nina man·gen:
Na·simang iakoba poraina man·gen: PA Sangma-ni nokdangko Deborah-ni matnanganina Marcuise aganchaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
