Shillong, July 6: Meghalaya a·dokni manderang skang chasongonin samtangtango ong·telaigipa buring bolgrimrang, chiring chibisikrang aro do·o matrang baksa janggi tangbagiparang ong·e, iarangko ripinge rakkigiparangba ong·a ine Bristibar salo, Meghalaya a·dokni Chief Minister Conrad K Sangma, Shillong songjinmao ‘Nature Solves’ ine pangchakaniko done ong·atanggipa G20 tom·bimonganio jinmana parakataha.
Mikkangchi nambata a·gilsakko ong·atna gita apsan chanchirimna ia tom·anio dingtang dingtang biaprangoni u·i-ma·sigipa manderang bakko ra·eaha ineba ua aganaha.
A·doko songdongenggipa manderangni janggi tangani bewal aro daka rikanirangara a·gilsak baksa nangrimgipa ong·e iana rasong chagiparang ong·a ine janapatengon, Meghalaya a·doko songdongenggipa dingtang dingtang jatrang, samtangtango ong·telaigiparang baksa nangrime janggi tanganiko a·gilsakna dakmesokgiparang ong·skana man·gen ine Sangma parakataha.
Meghalaya a·dokni Sacred Groves ba rongtalgipa bolgrimrangni gimin janapangskaengon, ia bolgrimrangara buringni rongtalgipa bak ong·a aro iako chengonin a·dokni manderang, ja·rikbae ripingenga ine Chief Minister parakataha.
Chief Minister-ni parakatani gitade, Meghalaya a·doko dam 100-mangni gita ripinge rakkienggipa rongtalgipa bolgrimrang ba Sacred Grove-rang donga aro dam 150-na baten dingtang dingtang songrangni ripinge rakkienggipa Reserve Forest ba buringrangba donga.
Meghalaya a·dokni buring bolgrimrangko ripinge rakkina gita a·dok sorkari Green Meghalaya program-ko a·bachengataha ine talate on·angengon, ia program-ni ning·o sorkari, da·o bilsi bongani gisepon hectare lak 2 buring bolgrimrangko ripingna miksongenga ine Chief Minister parakataha.
Iakoba poraie nina man·gen: East Khasi Hills a·jani Mahadev Khola-o niam gri songdongenggiparangni kosako KSU, DFO-na badi ka·doanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
