Shillong, Feb 18: Meghalaya a•doko entry aro exit point-rangko kulianio chu•sokgijaniara 2016 bilsio gitcham sorkarini dakgualani a•selsa ong•a ine Budbar salo, Meghalaya a•dokni Chief Minister Conrad K Sangma matnangataha.
Meghalaya Residents Safety & Security Act (MRSSA) 2016-ni bidingo janapatengon, ia Act-ni ning•o entry aro exit point-rangko kulina bilrangko on•jahani gimin sorkari da•o iako chu•sokatanio neng•nikanirangko man•enga ine Chief Minister aganaha.
“Opposition-ko dilgipa (Mukul) an•tangan Chief Minister ong•engmiting somoio, MRSSA Act-o entry-exit point-rangna ge•etani dongja ine ma•sia indiba MRSSA-ko ra•gataniode iana niamrangko donskaaha. Iani a•selsa kacharini porikka ra•anio chu•sokna man•jaha,” ine Chief Minister Conrad Sangma aganaha.
Indake ong•genchimoba, facilitation centre-rangni giminsa Meghalaya High Court raiko on•aha ine Chief Minister-ni agangipa kattarangko Opposition-ni dilgipa Mukul Sangma jegalatskaaha.
“Kacharini jegalanide ia facilitation centre-rangko chalaina namgipa niamrang dongjani giminsa ong•a. MRSSA, kacharini porikka ra•anio chu•sokjaha ine CM, Assembly-ko dilsretna jotton ka•aha,” ine Mukul Sangma aganaha.
Iana aganchakaniko on•angskaengon, MRSSA-o entry-exit point-rangni gimin maming janapanirang dongjani giminsa ua miksonge aganaha ine Chief Minister talataniko on•angaha.
Iani bidingo talataniko on•na ua MRSSA aro niamrangko man•chape Meghalaya High Court-ni ge•etani baksana pilak nanggipa lekkarangko mesokna gitaba Chief Minister ku•chakangaha.
Na·simang iakoba nina man·gen:
Na·simang iakoba poraina man·gen: ILP-ni bidingo Conrad aro Mukul-ni gisepo ding•chaogrika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
