Shillong, Feb 18: Meghalaya a•dokna Inner Line Permit (ILP)-ko dabienggipani bidingo a•dokni Chief Minister Conrad K Sangma aro Opposition-ko dilgipa Mukul Sangma-ni gisepo Assembly-o ding•chaogrikani ong•kataha.
ILP-ni bidingo a•dok sorkari, ma•mong sorkari baksa gisiko nange agangrikengama agangrikjaenga, iako aganchakchina Mukul Sangma dabion, uko aganchakna on•china aro uni aganmitingo bringbrangatna jotton ka•jachina a•dokni Chief Minister, Opposition-ni dilgipako aganaha.
Talataniko on•gija ‘ong•ama ong•ja’ ukomangmang aganchakchina Mukul Sangma aganskaon, Opposition-ko dilgipa talataniko nangenga ong•ode ua aganchakaniko on•gen maina ian namen simsakna nanggipa katta bichong ong•a indiba opposition membor-rang pangnan indakgipa kamrangni gimin sing•doronga indiba knatimnade sikrongja ine Chief Minister aganaha.
“Angni ong•nika gita anga aganchakaniko on•gen. Ong•ama ong•ja ukomangmang ua aganchina aganaiode ong•jawa indiba pilakan ma•sichina gitasa anga talataniko on•gen. Ian ILP-ni gimin ong•ja, MRSSA-ni giminba ong•a, Immigration & Foreigners Act-ni giminba ong•ja indiba gipin biaprangoni re•baenggipa manderang skatang re•bapbana man•jana gitasa chinga niamko ra•gatani bidingo chanchienga,” ine Chief Minister aganaha.
ILP-ni bidingo a•dok sorkari, ma•mong sorkari baksa agangrikengkua aro iani bidingo uamang changni chang, Union Home Minister-ko gronge agangrikaha ineba ua aganaha.
ILP ong•ja maina, Immigration & Foreigners Act-ba ong•ja maina, a•doko niam gri napsrukaniko champengnasa a•dok sorkari kamko ka•enga aro ka•angkugen ineba Chief Minister aganaha.
Gitcham sorkarirang, ILP-ni bidingo mamingkon dakjaha indiba ia sorkari raken jotton ka•engkua ineba ua aganaha.
Na·simang iakoba nina man·gen:
Na·simang iakoba poraina man·gen: Ardent-ni jawilwat giproroanga jaman parliament-o sing·anirangni recording-ko Speaker dontongata : Meghalaya
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
