ShillonG, Feb 17: Meghalaya a·doko dingtang dingtang kamrangko ka·na dakchakna sak 36 consultant-rang aro ge 59 consultancy firm-rangko rakkiaha ine Skotong Minister Conrad K Sangma Mongolbar salo Assembly-o aganangaha.
“2024-25 bilsio consultant-rangna japrako gamanirang chu·gimik tangka kror 4.35 ong·enga. Uamang kamrangko chu·sokatjagenchimode, uamangna tangkarangko gamjawa,” ine Sangma parakataha. Unbaksana, consultancy firm-rangnade dormaha-rangko on·ja indiba uamangni chu·sokatna nanggni kamrangni kri gamanirangko daka ine Skotong Minister talatangaha.
Opposition-oni Mawryngkneng-oni VPP-ni MLA Heaving Stone Kharpran, consultant-rangni bidingo sing·doanirangko dakon, sak 36-oni sak 19, chong·motan 52 percent-de management, agriculture aro environmental science-rangko poraigipa a·doktangoni manderangan ong·a ine skotong minister aganchakangaha.
“An·chingni a·dok re·mikkangengon, a·gilsakni dingtang dingtang kamrangko jaksapna man·na gita chinga manderangna uamangni kam ka·anirang aro changa-sapanirangko namdapatna dakchaka,” ine ua aganangaha.
Uandake, bang·bata consultant-rangkon dingtangmancha kamrang jekai project report-rangko chu·gimik tarina, ja·rikna nanggnigipa niamrangko tarina aro World Bank aro ADB-ni dakna nanggnigipa kamrangko ka·na project-prakna dake rakkiaha ine Sangma talate on·angaha.
“Sorkarini official-rangna on·gimin bilrangko darangba ra·e katna man·jawa. Sorkarini kam ka·anirangko dakchaknasa ia dolrangko rakkia. Uamangni dakna nanggniara sorkarini kamrangko dakchakna ine ong·a, man·dikatna ine ong·ja,” ine Sangma talatdapangaha.
Meghalaya sorkari tangka kror 12,000-mangni gita externally aided project-rangko (EAP) jako ra·e kam ka·enga, aro ian pilak a·dokrangni gisepo, Meghalaya-ni dal·ani ba gadangni kri, bang·batgipa ong·a ine Sangma aganangaha.
“Kamrang bang·en donga. Fund-rangko jakkalna kraa gita bil dongna nanga. Meghalaya an·tangni kamrangko name dakenga ine mesokenba fund-rangko man·na amaha,” ine ua aganenba, kror 200 Sohra project, smart city mission aro Unity Mall-rangko janape aganangaha.
UDP-ni MLA Paul Lyngdoh-ba consultant-rangko rakkiani niamrangni bidingo adita sing·doanirangko dakaha. Uandake, private consultant-rangko uamangni kam ka·e on·enggipa department-rango government contract-rangko man·atjana gita niamrangkode donna nanga aro ru·utgijan uarangko parakatgen ine Skotong Minister una aganchakangaha
Consultancy firm-rangna chu·gimik gamna nangani tangka kror 131 ong·a aro unoni kror 116-kode EAP-ranni ning·ao man·gipa administrative expenditure-ni gita ong·a. Da·ona kingking a·dok sorkari tangka kror 10-ko koros ka·aha.
“Consultant-rangko project-prakna dake rakkiaha. Project-ni matchoton uamangni kamba matchotaiaha,” ine Sangma aganangaha.
Na·simang iakoba nina man·gen:
Na·simang iakoba poraina man·gen: GHADC Election-ko April 10 tariko ong·atanggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
