Shillong, May 21: Meghalaya a∙doko organic farming programme-ni lak 1 hectare-rangko ra∙bana a∙dok sorkari krengenga ine Agriculture Minister Timothy D. Shira Bristibar salo aganaha, aro game cha∙giparangni bio-fertilizer-rangko jakkalanichi aro ma∙mong sorkarini dakchakanichi iarangko dakna amenga ine ua parakataha.
Organic farming-ko sorkari a∙bachengataha aro cemical fertilizer-rangko on∙jaha, uandake manderang da∙o bio-fertilizer-rang aro ong∙telaigipa a∙salrangkosa jakkalenga ine Shira aganaha.
A∙doko Khadi Mission-ni ning∙ao chalaienggipa Lakadong holdiko ge∙ani project-ko janapenba, organic farming-ni chu∙sokaniko mesokgipa ian mingsa ong∙a ine ua aganaha. Adita salrangna skang ua cooperative society-ni chalaienggipa biapko nieaha aro uamang kamrangko namen ka∙enga ine nikaha ine ua janapaha.
Cooperative model-ko ra∙gatanichi game cha∙giparangni man∙gnirangko aro bading-chiwalani cholrangko namdapataha ine Shira aganaha. Batanggimin salrango game cha∙giparang uamangni ge∙e-game man∙giminrangko antidamrangona ra∙angna nangachim indiba da∙ode uamang re∙angna nangjaha, cooperative society-ona ra∙bae uamang nambata damrangko man∙aha, aro unon pilak tarianirang aro holdiko ong∙ate su∙anirangko dakenga aro uarangko bang∙a a∙songrangona watatenga ine ua talataha.
Mikkangchini gimin niksamsoe, sorkarini tarigimin niam donga ine ua aganaha. Ma∙mong sorkarini dakchakanichi, dingtang dingtang unit-rangni ning∙ao lak 1 hectare a∙arango organic farming-ko dakanggen ine ua aganaha. Uandake, da∙ona kingking 60,000 hectare-rangko organic farming-ni ning∙ao ra∙gataha aro da∙o bangki 40,000 hectare-rangkoba ra∙gatna nangkuenga ineba ua aganaha.
A∙doko mongsonggipa ge∙a-gamanirangni gimin janapengon, karini sin∙a-ding∙anirang dingtangroroanichi neng∙nikanirangko man∙enga ine Shira aganaha. Mi ge∙anirangoba game cha∙giparang apsan dakbewalrangkon ja∙rikenga aro uamang namdapatna jotton ka∙genchimoba, karini sin∙ani ding∙anirangni a∙sel namdapatna man∙jaenga ine ua talataha.
Ge∙a-gamani a∙arang komiroroenga ine janapanirangko ua jegalaha aro jillarangko dal∙roroatanichi a∙doko ge∙e-game cha∙anirangna neng∙nikani ong∙kuja ine ua aganaha.
A∙doko organic farming-ko dakanichi aro GI-tag donggipa Lakadong holdi aro uandakgipa bosturangko ge∙a-gamanichi Meghalaya-ni songo-noko donggipa manderangna janggi tangani cholrangko nambatatna, aro ge∙e-game man∙anirangko gipin a∙songrangchi watna krengenga.
Na·simang iakoba nina man·gen:
Na·simang iakoba poraina man·gen: Assam-M’laya-ni sima arini kajia-golmalko namataniara songdonggipa manderango pangchaka ine Shira agananga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
