Shillong, May 21: Assam-Meghalaya sima arini kajia-golmalrangko namataniara a∙dok damgnini skotong minister-rango pangchakgen ine Cabinet Minister Timothy D Shira Bristibar salo parakatenba, sima ari jolgimiko so∙sojengjeng ong∙anirang tom∙tomkujaenga ine aganaha.
Assam-chipak aro Meghalaya-chipak songdonggipa manderangni gisepo kajia-golmal ong∙ani a∙selrangko ua u∙ija ineba ua aganaha.
Uandake ia kajia-golmal ong∙anirangko namatna a∙dok damgnini gisepo agangrikanirangko dakengon, ia neng∙nikanirangko namatanide skotong minister-rangni jakosa ong∙a aro ua an∙tangde border committee-ni membor ong∙jani gimin iani bidingo mamungkoba aganani dongja ine ua janapaha.
Ua an∙tangni constituency-ba Assam baksa nangdimea ineba aganaha aro uamangni jolode mamung kajia-golmal dongja, Assam-chipakni manderangba re∙baenga aro ku∙mong-nangrime janggi tangenga ine ua talataha.
Unbaksana, a∙dok damsa damgipinoniko ge∙a-gamaniko ru∙uta bilsirangonina ranta ka∙baenga, aro British-ni chasongonin kajinako gambaenga ineba ua aganaha.
Ia apsangipa dakbewalkon Lapangap jolrangoba ja∙rikna man∙genma ine uko sing∙on, iade songdonggipa manderangni jako pangchaka, uamangni gisepo namedake bakrimna man∙ode nama, indiba mainiba a∙sel ua jolo kajia-golmalrang ong∙rongakon ine ua aganchakaha.
A∙dok damgnian uamangni gisepo donggipa 884.9km sima ario kajia-golmal ong∙enggipa da 12 jolrango tom∙tomaniko ra∙bana dingtang dingtang gadangrango chanchirimanirangko dakenga, aro dam dok-kode 2022 bilsio ku∙chakgrike ra∙anio namatna man∙aha.
Na·simang iakoba nina man·gen:
Na·simang iakoba poraina man·gen: Manipur-o chel·chakgipa dolrang bang·bea slai aro gulirangko man·a; UNLF (P) baksa bak donggipa sak 4-ko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
