Shillong, Jul 8: Meghalaya a•doko Shooting kal•aniko nambatatna gita Mongolbar salo, National Rifle Association of India (NRAI)-ni secretary K Sultan Singh, Shooting Association of Meghalaya-ni president John F Kharshiing aro Meghalaya Sports department-ni gisepo, Memorandum of Understanding (MoU)-o soi ka•grikangaha.
Ia soi ka•grikanio, Meghalaya a•dokni Chief Minister Conrad K Sangma, NRAI-ni president Kalikesh Narayan Singh Deo aro gipin official-rangba dongpaaha.
Meghalaya a•doko Shooting kal•aniko nambatatna gita MoU-o soi ka•grikani ja•man a•dokni Chief Minister, tom•anio dongpae bak ra•giparangna aganprakengon, ian Meghalaya a•dokni kal•susaanio gital odhaiko a•bachengani gita ong•enga aro Shooting kal•anio a•dokni chadamberangko nambatatna gita NRAI baksa bakrimna namen katchabea ine aganaha.
Ia tom•anio NRAI-ni president Kalikesh Narayan Singh Deo-ba aganprakengon, mikkangchina niksamsoani gnang ja•kuko de•ahani gimin Meghalaya sorkariko mittelpilangenba, NRAI baksa bakrimanichi re•baenggipa bilsirango Meghalaya a•dokni chadamberang, Shooting kal•anio teng•suna man•gnok ine aganaha.
Na·simang ia video-koba nina man·gen:
Na·simang iakoba poraina man·gen: Bilsi 38 ong·gipa mandeko uni bilsi 15 ong·gipa demechik nanggipako kragija til·ekdraanina rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
