Shillong, Oct 7: Bilsi 20-ni gisepo lak 9 mangni gita Meghalaya-o voter-rang tang·doaha ine Chief Electoral Officer Dr. BDR Tiwari parakataha.
Batanggimin 2005 bilsini April 15 tariko electoral roll-ko nipiltaiani gita de ia 2025 bilsini September jao nisusaon lak 23,06,384 mangona voter-rang tang·doaha jean lak 13,35,816 voter-rangsan ong·aiachim ine Dr. Tiwari aganaha.
Ia voter-rangoni sak 11,37,316 voter-rang me·asarang aro sak 11,69,062 voter-rang me·chikrang ong·a jean, 2005 bilsio sak 6,64,306 me·a aro sak 6,71,510 me·chikrang ong·achim. Aro uasan ong·aigija ia 2025 bilsiode sak 6 third-gender voter-rangkoba man·dapaha jean 2005-ode dongjachim ineba ua talataha.
Special Intensive Revision (SIR)-o janapgimin gita elector-rangna ge·bri category-rangko suala, chong·motan, category A-o jemangni bimungrangan 2005 bilsio register ka·ako man·aha uamangko 2005 voter List-o upload ka·china, category B-o jemangni bimungrangan 2005 voter List-o dongja indiba 1987 bilsini July 1 tariko atchiaha uamangko self document-o enumeration form baksa upload ka·china, category C-o jemangan 1987 bilsini July 1 tarik aro 2004 bilsini December 2 tarikni gisepo atchiaha indiba uamangni ma·gipa ba pagipani bimungko 2005 voter List-o janapjahaode self document-o aro ma·gipa ba pagipani document-o upload ka·na nanggen aro category D-o 2004 bilsini December 2 tariko atchiahaoba uamangni ma·gipa aro pagipani bimungko segatjahaode self document, ma·gipa aro pagipani document-o upload ka·china u·iataha.
Iarang baksana, voter registration ka·anio gipin document-rang baksa identity proof-na Aadhar-koba Election Commission of India ra·chakenga ineba Tiwari talataha.
Indake, 64 polling station-rangko chanchape gimik gimang dam 3615 polling station-rang gapaha ineba CEO janapataha.
Na·simang iakoba nina man·gen:
Na·simang iakoba poraina man·gen: Meghalaya-ni U-23 Men’s preparatiory camp-ko Alotgre Cricket ground-o a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
