Tura, Oct 7: Meghalaya Cabinet-ni ra•chakgimin gita Garo Hills Autonomous District Council (GHADC)-o kam ka•giparangna dormaharangko on•ani bidingo chanchirimna gita Mongolbar salo, GHADC sub-committee-ni Chairman aro West Garo Hills a•jani Deputy Commissioner Vibhor Aggarwal, Tura-ni DC office-o tom•aniko ong•atangaha.
Tom•a matchotani ja•man, sub-committee-ni membor aro gitcham MCS officer Charming N Sangma, kobor ra•timgiparangna talate on•angengon, sorkarini ku•pattiani gita State Bank of India (SBI)-o Escrow Account-ko kuligen ine parakataha.
Ia Escrow Account-ni gimin talataniko on•angengon, tangka paisarangko jakkalanio maming dongnuani dongjana gita Non-Gazetted Employees Association (NGEA) aro GHADC-ni gisepo ia bank-an third party dake kamko ka•gen ine Sangma aganaha.
Tangka paisarangko jakkalsretanirang dongjana gita, ia account-o chipatgimin tangkarangko, NGEA aro GHADC-ni gisepo songgigrikani ja•mansa tangkarangko bank-ni gita on•gen ineba ua aganaha.
Sangma-ni aganani gitade, GHADC-ni dormaharangko on•na gita Escrow Account-ko kuliahani gimin tangka paisarangko jakkalanio jajrengna nanganirangba dongjaha.
GHADC-ni Executive Committee, Opposition MDC-rang, dingtang dingtang dolrang aro NGEA-ni dilgiparang baksa baditaba changna tom•anirangko ong•ate, uamangni gamchatgipa agan-ku•pattianirangko ra•manahani gimin GHADC-o kam ka•giparangna ja 12-ni dormaharangko on•na gita sub-committee tik ka•angaha ineba Sangma parakataha.
GHADC-ko mangrakbatatna gita pilak dolrangkon bakrime kam ka•chinaba ua didiangaha.
Indake ong•engon, GHADC-o kam ka•giparangna ja 12-ni dormaharangko on•ani kamrang, October 15 tarikni gisepon matchotgen ine sub-committee-ni sakgipin membor aro Tura Don Bosco College-ni Principal Fr Januarius S Sangma parakatskaaha.
Dingtang dingtang dolrang baksa agan-chanchirime GHADC-ko nambate chalaina kamko ka•angkugen ineba Fr Sangma, ku•rachakaniko on•angaha.
Ia sub-committee-ni skanggipa daitoara GHADC-o kam ka•giparangni man•na nangkuenggipa dormaharangko man•e on•na kam ka•anian ong•a ine janapatengon, da•o uamangna ja 12-ni dormaharangko on•chengna man•engahani gimin bangki dormaharangko on•na gita uamang cholrangko sandiangkugen ine Fr Sangma parakataha.
Na·simang iakoba nina man·gen:
Na·simang iakoba poraina man·gen: M’laya-o voter-rang lak 23-ona tang·doa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
