Shillong, Apr 24: West Jaintia Police, cha·oani koborrangko man·soa bakan ja·ku de·aniko dake Pdengshakap songoniko cha·ogimin bolgni scooty-rangko man·an baksana sak 4 bilsi chu·ongkugijagipa manderangko man·chape sak 5 manderangko rim·aha.
Additional Superintendent of Police C W Lyngdoh-ni aganani gitade, uamang skanggipa Ummulong songoni Wanphida O Laloo-ni scooty-ko Jowai-ni Ialong Civil Hospital-oniko cha·oani gimin badi ka·aniko man·sochengaha, ja·mano CCTV-niko nie aro re·roroe am·sandianiko daka ja·man, uamang chanchichipna kragipa gariko nikna man·aha aro sak 5 manderangkoba rim·aha.
Sing·sandianirangko dakon, bilsi chu·ongkugijagiparangoni saksa cha·ogimin scooty-rangko Pdengshakap songo donenga ine agane on·enba, police dolrangna scooty-ko man·pilna dakchakaha.
Ia apsan salon, Nongmensong-ni Langkyrding-o donggipa Bastanroy Mawthoh-ni Yamaha Ray ZR scooty-ko cha·oani gimin 2-gipa badi ka·aniko man·soaha. Ia cha·ogimin scooty-koba ia apsan songoniko man·pilaha. Am·sandie man·gimin bolgni scooty-rangkon Phramer Traffic Cell-o donengani gisepon niamni gita ja·ku de·anirangkoba dakengaha. Police dolrang jolo songdonggipa manderangko mikrake dongchina u·iatan baksana an·tangtangni garirangko naljoke rakkichinaba u·iataha.
Na·simang iakoba nina man·gen:
Na·simang iakoba poraina man·gen: Chirangko simsak nirokanina Jendragre baksa gipin dambonga songrangna boksisko on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
