Dimapur, July 8: Nagaland a·dokni Dimapur aro Chümoukedima a·jarango dondikgija mikkarang waani a·selo chi ban re·aniko chagrongna nangao ga·akenga. Chi ban re·anichi nangchakeako man·gipa manderangna dakchakaniko on·a gita Dimapur-ni dam 3 biaprango chong·motan BSNL Quarters (Walford), S. M. Colony aro Namgalong Colony-o relief camp-rangko donataha. Bang·a a·kawe jolo donggipa biaprang jekai SM Colony, Ragailong, Namgalong, Super Market, K Sachu, Ekhyoyan song, Walford aro Model Colony (Purana Bazaar)-rangko chi mriptokaha.
State Disaster Response Force (SDRF) dol, skia man·gimin gari salgipa driver-rangko man·chape sak 25 dolni member-rang baksana chi ban re·anichi noktangtango jachange dongenggipa manderangko naljokatna gita rescue boat ba ringrangko watataha. Bi·sarang, bilsi bregimin manderang, sagiparang aro dingtangmancha dakchakaniko nanggipa manderangko man·chape sak 844 manderangko naljokatenba, uamangko relief camp-rangona rimangaha.
Chümoukedima-ni biaprang jekai Tenyiphe, Chekiye, Virazauma, Singrijan, Khopanala, Sovima aro 173-gipa CRPF Camp sambao donggipa songrangba chi ban re·anio nangchakeako man·aha. Mikkarang waanichi ramarang baksana manderangni bang·a gamjinrangkoba nosto ong·ataha.
Nagaland State Disaster Management Authority (NSDMA), District Disaster Management Authority (DDMA), Home Guards (HG), Civil Defence (CD) aro SDRF dolrang, manderangna naljokani aro dakchakanirangko on·a apsan nangrime kamrangko ka·enga.
Na·simang ia video-koba nina man·gen:
Na·simang iakoba poraina man·gen: 2021 aro 2023-ni MTET pass ka•gipa candidate-rangko kamo ra•chengchina didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
