Tura, Mar 16: Batanggimin salrango Garo Hills-o so•sojengjeng ong•angani a•sel April-ni 10 tariko ong•atna manchisogipa Garo Hills Autonomous District Council (GHADC) election-ko ra•doatani ja•man, 21-Naguapara constituency-ni MDC Dhormonath Ch Sangma-ko Sombar salo, GHADC-ni gital Chief Executive Membor (CEM)-na seokaha.
GHADC election-o susana gita Scheduled Tribe (ST) certificate-ko nangtelgipa ong•gen ine gitcham CEM Albinush Marak-ni u•iataniko ra•biani ja•man High Court den•galataha aro uni ja•man Garo Hills-o so•sojengjeng ong•anirangko nikna man•angahachim.
Garo Hills-o so•sojengjeng ong•ahani gimin GHADC election-ko ra•doatenba, manderangni dabianiko chu•sokate on•na a•dok sorkari re•mikkangenga.
GHADC-ni ruling aro opposition-oni gimik sak 21 MDC-rang bakrimenba, Sonibar attamo Meghalaya a•dokni Governor CH Vijayashankar-ko Shillong-o gronge, gitcham CEM Albinush R Marak-ni kosako No Confidence Motion-ko dakna mol•molangaha aro Marak-ni kosako No Confidence Motion-ko dakna gita District Council Affairs department, GHADC-o Special Session-ko ong•atchina ge•etangaha.
Indake ong•genchimoba, Sombar salo Special Session-ko ong•atna skangan, GHADC-ni CEM Albinush Marak, kamtangko wataha aro uandaken GHADC-ni gital Executive Committee-ko songe, sak 21 MDC-rangni chakpaaniko man•e Naguapara-ni MDC Dhormonath Ch Sangma-ko gital CEM-na seokangaha.
Ia gital Executive Committee-o bakrimenggipa membor-rangara, CEM Dhormonath Ch Sangma, Sanjay Koch, Stevie M Marak, Linekar K Sangma, Grahambell A Sangma, Anseng A Sangma, Henen R Sangma, Ashahel D Shira, Rakesh A Sangma, Promod Koch, Arbinstone B Marak, Sengchim N Sangma, Sengbath R Marak, Nehru D Sangma, Crozier G Momin, Aldo A Sangma, Cherak W Momin, Rinaldo K Sangma, Perdinand D Shira, Alphonsius R Marak aro Agassi R Marak ong•enga.
GHADC-o nominate ka•a man•gipa membor-ko channe gimik sak 30 MDC-rang donga indiba adita salrangna skang Samanda-ni MDC Lahitson M Sangma-ni siangani ja•man da•o GHADC-o sak 29 MDC-rangsan dongengpiti.
Na·simang iakoba nina man·gen:
Na·simang iakoba poraina man·gen: Garo Hills-o ding•chaoaniko ra•baanina gitcham MDC Sofior Rehman-ko rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
