Guwahati, Dec 26: Nalbari a·jani Belsor Police Station-ni ning·o ga·akgipa Panigaon-o, St Mary’s English School-ni bosturangko nisigalanina sakbri manderangko Assam Police rim·aha.
Ia a·sel December 24 tariko ong·aha ine officialrang parakataha.
Nalbari Administration-ni aganani gitade, ia a·selni bidingo December 24 tarikni attam 2:30 bajimango ma·sina man·gijagipa denggu manderang re·bae uamangni School-ni bosturangko nosto ka·e galangaha ine School-ni Principal Dr Baiju Sebastian badi ka·eha.
Indake ia manderang, Christmas-ko manina tarigimin light-rangko, pul dikte aro gipin bosturangko nisigalaha aro wa·al so·e donangaha.
Ia rim·a man·gipa manderangara, Balilcha songoni Sri Narayan Chandra Deka-ni depantegipa aro Vishwa Hindu Parishad, District Secretary Bhaskar Deka (34), Pub-Majdia songoni Mohan Patgiri sagini depantegipa aro Vice President, VHP Manash Jyoti Patgiri (32), Telesia songoni Kulen Chandra depantegipa aro Assistant Secretary, VHP, Biju Dutta (34) aro Digheli songoni Bhadra Kanta Talukdar depantegipa aro Bajrang Dal-ni Convenor Nayan Talukdar (37) ong·a aro uamangni kosako Bharatiya Nyaya Sanhita (BNS)-ni Section 329(3), 326(f), 189(2), 351(2), 324(3) aro 61(2)-o pangchake case no.166/2025 ko Belsor Police Station-o mokordomako segataha.
Skotong Minister Himanta Biswa Sarma-ba, uamangko rim·aha aro police-rang bakan an·tangtang kamko ka·enga ine parakatengon, jatska jatgipin aro toromska torom gipin baksa tom·tomaniko ra·bana sorkari krenge kamko ka·enga aro a·dokni pilak Educational Institution-rango naljokaniko on·a ku·rachakataha.
Indake, iano gipin manderang jak dongama dongja ma·sina gita Police talbate sing·sandianiko dakengkua.
Na·simang iakoba nina man·gen:
Na·simang iakoba poraina man·gen: Maini a•sel Karbi Anglong-o so•sojengjeng a•bachengaha?
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
