Mongolbar salo, GHADC-ni gitcham CEM aro BJP-ni dilgipa Boston Marak, South West Garo Hills a’jani Babelapara songo ong’atanggipa election campaign-o bak ra’angpaaha aro jolni manderangko NPP-ni candidate Agatha K Sangma-ko seokchina didiangaha. PM Modi-ni dilanichi India a’songba tang’dogipa a’song ong’na re’mikkangengaha ine janapatengon, NPP-ba BJP-chi dilenggipa NDA sorkarini bak ong’pae Meghalaya a’doko namroro silroroaniko ra’bana kamrangko ka’angkugen aro Modi-ni Vikshit Bharat-na niksamsoaniko chu’sokatgen ine Marak aganaha.