Shillong, May 21: Chang 15-gipa Finance Commission-ko ong·atani somoio, dingtang dingtang project-rangna dakchakaniko on·a gong 555.63 kror-ko Meghalaya a·dokna on·angaha. Schemes of NEC (SoNEC)-ni ning·o gong 160.87 kror tangkarangko community infrastructure, skul building-rang, dolongrang, dokkanrang, healthcare centre-rang aro tourism-rangna jakkalaha ine official-rang u·iataha. Ia project-rangchi bija bitchi bikotani, dambong ge·ani, Lakadong holdi-ko tariani, jila kaanirangko namdapatani, samgri gama ge·ani aro integrated farming system-rangko ra·doaniko dakangaha.
North Eastern Council (NEC), ia project-rangchi Meghalaya-ni cultural heritage-ko chelchakna aro ra·dona gita cultural complex-rang, community hall-rang aro eco-tourism facility-rangko rikaha ine aganangaha. Iandakgipa ja·ku de·aniara me∙chik bading chiwalgiparang, changa sapaniko skie ra·giparang, jabolrangko name galani aro songadam jolrango bazar anti cha·ram biaprangko namdapatanina chakpaaniko on·a.
Ia NESIDS-Roads program-ni ning·o, Meghalaya a·dok gong 331.51 kror-ni ming 5 project-rangko man·soani gisepon, a·doksa a·dokgipinona songre songabatani aro bading chiwalaniko namdapatna miksonganio tarigipa
Mawshynrut-Hahim (Athiabari) ramako man·chape, kror 98.32-ni ming 3 project-rangkode matchotman·aha.
Ia 2025-26 bilsio, NEC kror 33.85 mangni project-rangko urban infrastructure, bading chiwalani aro lekka pora-nina on·ataha.
Iano mongsonggipa project-rango siltongrangko apsan ong·atani baksana Shillong-ni mingsinggipa Iewduh bazar ant-rang sambajolo rongtal an·talatani, light teng·atani, jabolrangko name galani aro jinmani namgnina rika cho·anirangko namdapatna nitobatatani kamrangko man·chapa.
Iana agre gipin ra·chaka man·gipa project-rango tribal chadamberang, me·chik bading chiwalgiparang aro game ge·e cha·giparangna Integrated Entrepreneurship and Livelihood Centre baksana Sohra-o donggipa Ramakrishna Mission School-na dakchakaniko man·chapa.
Ashtalakshmi Youth Exchange Programme-ni ning·o, Shillong-ni Indian Institute of Management-ona re·anggipa sak 44 chatro chatrirangko man·chape, India gimikni sak 581 chatro chatrirang Salgro Salaram jolni poraichakram biaprangona re·angaha.
NE-SPARKS initiative-ni ning·o Meghalaya a·dokni sak 786 chatro chatrirangoni sak 99 chatro chatrirang, 2025-2026 bilsirango Indian Space Research Organisation (ISRO)-ona re·angskaaha.
Re·anggipa 2026 bilsini April jaoba, NEC Sports infrastructure project-rangna tangka paisarangko chamataha jeon Madan Tukhon, Jongsha-ni Indoor Stadium, West Garo Hills, Gambegre-ni Mini Outdoor Stadium baksana NESIDS (Roads)-ni ning·o Umngot chibimani kosako kabatgipa mongsonggipa dolongko man·chapa.
Na·simang iakoba nina man·gen:
Na·simang iakoba poraina man·gen: Nonglait-an Delhi-o Khasi-Jaintia manderangni ku∙rang ong∙gen aro ILP-ko man∙na kam ka∙gen ine Dhar agana
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
