Shillong, Apr 24: Meghalaya-o pulrang, bolam-biterang aro me·su-samjakrangko ge·a-gamaniko aro songo-noko janggi tangani cholrangko bilakbatatna ine North Eastern Hills Univeristy-ni ning·o Deen Dayal Upadhyay Community and Skill Development Centre (DDUCC) ICAR-Indian Institute of Horticultural Research baksa West Jaintia Hills a·jani Laskein Block-o game cha·giparangna skie on·ani programme-ko ong·atangaha aro iano sak 250-mang game cha·giparang, mongsongbate me·chikrang bak ra·angaha. Una agreba ua jolo songdonggipa manderang, official-rang, dingtang dingtang dilgiparang, MDC Wormanship Shadap aro songni dilgipa Shaniah Lamare-ba ia tom·aniona re·bae bak ra·angaha.
Ia programme-o gital chasongni ge·a-gamani bewalrangko skie on·a baksana an·seng-baljokaniko on·gipa me·su-samjakrang aro bolam-biterangni gimin agane on·ani aro tangka-paisarangko man·ani cholrangni gimin agan-talate on·angaha. Technical session-rangko KVK Wahiajer-ni agronomy specialist Risakari Lyngdoh ra·angaha, aro uno ge·a-gamanio bang·bate man·ani aro pangkamgipa ranta ka·anirangko dakani bidingo game cha·giparang gisik nange agangrikanirangko dakangaha.
Bon·kame tom·ani somoio, game-ge·e bading-chiwalanirangko namdapatna aro ja·atango chadenge janggi tangna ia programme-o skie ra·giminrangko jakkalchina MLA Nujorku Sungoh game cha·giparangko didiangaha. Iandakgipa skie on·anirang manderangna janggi tangani cholrangko a·bachengatna aro songrango kamrangko ka·e cha·na dakchaka ine ua talate on·angaha.
Uandake, ge·e-game cha·anian a·dokni janggi tangani gadangko tang·doatgipa mongsonggipa chol ong·a ine NEHU-ni Pro Vice Chancellor Prof. S. Umdor aganenba, sorkarini scheme-rang aro subsidy-rangko jakkalrang an·tangtangni ka·enggipa kamrangko apalbatatchina bak ra·giparangko didiangaha. Una agreba, Salgro Salaramo donggipa game cha·giparangna dakchakaniko on·na ICAR-IIHR aro gipin dolrang baksa bakrimangkugen ineba ua aganangaha.
Skie ra·giminrangko dake nina cholko on·na inenba programme-ni matchotao pilak bak ra·gipa game cha·giparangna ge·a-gamani bosturangko aro chararangkoba sualangaha.
Na·simang iakoba nina man·gen:
Na·simang iakoba poraina man·gen: M’laya police cha·ogimin bolgni scooty-rangko Pdengshakap-oni man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
