29.2 C
Tura
spot_img

NEHU porikkani result-ko nipiltaichina chatro chatrirang didia

Must read

Tura, Dec 8: North Eastern Hill University (NEHU)-ni ong•atanggipa BA, B.Sc aro B.Com porikkani result-rangko parakanio bang•bata chatro chatrirangkon fail ong•ataha aro mitam chatro chatrirangko absent seaha ine Tura Government College Student Union (TGCSU) suk ong•gijaniko parakatenba, ia porikkani result-rangko nipiltaichina gita West Garo Hills a•jani Deputy Commissioner-na sedoataha.

NEHU-ni porikkarangko re•anggipa October jao online aro offline gita ong•atahachim aro ia porikkarangni result-ko ia December jao parakahachim.

Indake ong•engon, porikka segipa chatro chatrirangni result-ko parakanio mitam chatro chatrirangkode absent seaha aro mitam chatro chatrirangnade uamangni porikka seani kri mark-rangko on•jaha ine TGCSU matnangatenba, ia result-rangko nipiltaina gita ge•etaniko on•atchina West Garo Hills a•jani Deputy Commissioner-ko didiataha.

“Online gita aro offline gita porikka segipa mitam chatro chatrirangkoba result-o absent seaha aro mitam chatro chatrirangnade uamangni seani kri mark-rangko on•jaha. Iani a•sel bang•a chatro chatrirangan neng•nikanirangko chagrongna nangtokengani gimin chinga ia porikkani result-rangko nipiltaiatna nangnikenga,” ine TGCSU-ni dilgiparang, West Garo Hills a•jani Deputy Commissioner-na sedoataha.

spot_img

More articles

spot_img
-->

Latest article