Tura, Nov 22: Sonibar salo, North Eastern Hill University (NEHU), Tura Campus-o Ideathon competition-ko ong·atangaha. Ia susaaniko Entrepreneurship Development Promotion Incubator (EDPI), NEHU Tura, Department of Management, NEHU Tura Campus baksa bakrime ong·atangaha aro PRIME Meghalaya dakchake on·angaha. Dingtang dingtang changa-sapanirangni gamchatani aro manderangni salantio neng·nikanirangko namatani cholrangko bikotani gimin u·iatna ine miksonganio ia susaaniko ong·atangaha.
Dingtang dingtang skie ra·chakram biaprangoni chu·gimik dol 13 chatro-chatrirang re·bae ia susaanio bak ra·enba dintang dingtang janggi tangani cholrangko bikotani bewalrangko mesoke on·angaha. Ia susaaniko Avik Chakraborty, Cheanchane Marak aro Chisa Abangi Ch Sangma nirike chegiparangko seokaha. Department of Management, NEHU Tura-ni skigipa aro E-Cell-ni in-charge Professor Abhigyan Bhattacharjee-ba ia susaanio dongpae bak ra·giparangna didianiko aro dakchakaniko on·angaha.
Pilak dolrangan an·tangtangni taribagiminrangko nambee mesokangani ja·mano, susaani dingtang dingtang gadangrango ka·mao janapatenggipa manderang chegiparang ong·angaha:
Best Idea: Cle’s Needle Point
Innovative Idea: Mebashisha
Creative Idea: Hrishikest
Promising Innovator: Pure Style
Future Visionary: OREEM
Pilak bak ra·giparangko uamangni gisik nanganina aro changa-sapanina mitele ia susaanina tom·bimongani matchotangaha. Ia susaaniko ong·atanichi chadamberangko janggi tangani cholko bikotanina an·tangtangni changa-sapaniko mesoka baksana u·i-ma·sigipa manderangoniko skie ra·naba cholko on·a.
Na·simang iakoba nina man·gen:
Na·simang iakoba poraina man·gen: Sal 16-na MCTODA-ni strike ong·atanichi M’laya a·doko cement tarienggiparangna noksanko ra·baa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
