Guwahati, February 8: Niamko jako ra·e ong·gijagipa kamko ka·anio nangchape Assam police, mija Mongolbar salo Assam-ni Hailakandi a·jaoniko sakgittam manderangko rim·aha aro uamangara, Nizamuddin Borbhuyan, Aklashuddin Barbhuiya aro Salma Begum Barbhuiya, ong·a ine ma·sina gita man·aha.
Uamangko rim·aniara, adita sal skang Assam, Hailakandi-o ong·gipa obostako jachipchange ra·gipako manderangni watroroatgipao, mande saksako kragija aro ka·saninggija dake kal·ake aro doke-sate roaniko niksoani ja·man Assam DGP Pa GP Singh-ni bakbakan dos dakgipa manderangni kosako niam gita ja·kurangko de·atchina ge·etaniko on·angani ja·man ong·ahachim.
Pilak ong·enga obostako jachipchange ra·gipa video-ko manderangni watroroatgipao niksona man·ani gitade, pante saksako bolo kaenba sakgipin mande doka-sataha, uni kniko rata baksana uko su·budape roahachim.
Ia mamlao chingna sakgittam manderangko rim·aha aro mongsong jaksikgipa Nizamuddin Barbhuiya-koba rim·aha, jekon iana skangba chinga niamchi champengatgimin pekatgipa bosturangko badingsrukanio uko rim·ahachim ine Hailakandi-ni SP, Nabneet Mahanta, koborna u·iataha.
Indake ong·engon, obostako chagronggipa mande Biraj Paul minggipani koborna agan-talatani gitade, pekatgipa bostuko brena gita ua Nizamuddin Barbhuiya-ni nokchina re·angaha aro bostuko brena gita gong 2000 tangkakoba una gamaha, indiba bostukode bakosoniko an·tangsa kole ra·china aganaha jenan anga ge·brini palo ge·bongako kolaha aro angni bate kolako nikrikahani gimin ge·sako donpilahachim aro an·tangni dakgualanina an·tangkoba uamangna bame on·ahachim ine Paul talataha.
