Shillong, Oct 15: Budbar salo, Umsohpieng-o donggipa Nongkharai Presbyterian Higher Secondary School-ko nokdonggaanio, Meghalaya a·dokni Chief Minister Conrad K Sangma-ba mongsonggipa sokgipa ong·e bak ra·angaha aro ia tom·anio dingtang dingtang dilgiparang, sorkari official-rang aro jolo songdongenggipa manderangba bak ra·angtokaha.
Ia skulko nokdonggaanio a·dokni Chief Minister, jinmana aganprakangengon, batanggimin bilsisni atani gisepo Meghalaya a·dokni namroro silrorobaaniko janapangenba, a·doko songdongenggipa manderangni namgnina sorkarini ka·enggipa kamrangni gimin agan-talatanirangko on·angaha.
Meghalaya a·dokba India a·songo Tamil Nadu a·dokni ja·man ta·rakbatsrange dal·roroenggipa economy-o gnigipa ong·enga ine janapatengon, batanggimin bilsi gittamni gisepo bilsiprakon 10 percent-chi dal·roroaniko nikna man·aha ine Chief Minister aganaha.
Lekka porani kamrangna sorkarini tangka paisa koros ka·aniko janapatskaengon, lekka porao dingtang dingtang dakchakanirang baksana gong crore 3,654 tangkarangko chamataha ine Chief Minister parakataha.
A·doko lekka porako namdapatna gita a·dok sorkari, adhoc aro SSA skulrango skigiparangnaba dormaharangko nambate on·na kamrangko ka·engaha ineba ua aganaha.
Lekka poraniosan ong·aigija, kal·susaani, doka dam·ani, bading chiwalani aro songsalni dingtang dingtang kamrango chadamberangko jakkandilchina gitaba Sangma, ma·a paarangko, skigiparangko aro songsalni manderangko didiangaha.
Sijun Memorial School aro Nongkharai Presbyterian Higher Secondary School-ni chatro chatrirangna doka dam·ani bosturangko brena gita Chief Minister’s Special Grant Fund-oniko tangka paisarangko chame on·enga ineba ia tom·anio Sangma parakataha.
Bon·kamao ua, lekka porako on·na gita an·tangtangko on·kange kam ka·engani gimin skulni managing committee, skigiparang, ma·a paarang aro chatro chatrirangkoba mittelpilangaha.
Ia tom·anio Food, Civil Supplies & Consumer Affairs Minister Methodius Dkhar-ba jinmana aganprakangengon, ia tom·aniona re·bae bak ra·eahani gimin Chief Minister-ko mittelpilangenba, jolni manderangna ia skulni gamchatgipa ong·ani gimin aganangaha.
Na·simang iakoba nina man·gen:
Na·simang iakoba poraina man·gen: Manipur Rajbari-ko pe·galani gimin jegalgrima
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
