Nongpoh,May 23: PRIME Meghalayani ning·o PRIME Startup Hub Nongpoh-ko Ri Bhoi a·jao da·alo oprake on·angaha. Ri Bhoi-ni Additonal Deputy Commissioner, Jonathan Shylla ia tom·aniona mongsonggipa sokgipa ong·e re·baaha.
Una agreba, IIMCIP-ni Chief Operating Officer, Pranjal Konwar aro PRIME Hubni Administrative Head Keningstar Nongrum aro a·jani dingtang dingtang manderang aro bading-chiwalaniko dakgiparang ia tom·aniona re·baaha.
Bading-chiwalani cholrangko bikotanio songni manderangna dakchakanirangko on·na ine ia gitalgipa nokko rikaha. Nongpohni bading-chiwalgiparang aro dingtang dingtang bosturangko tarie pala-sim·anirangko a·bachengatgipa manderangba da·ode biap damsanon an·tangtangni janggi tangani cholrangko dal·roroatna, changa-sapanirangko skie ra·na, agan-ku·pattianirangko man·a aro saksa-sakgipinko gronge u·igrikna aro skie ra·grikna cholrangko man·gnok.
Ri Bhoi a·jani Additional Deputy Commissioner, Jonathan Shylla, PRIME Hub Nongpoh-ko a·bachengatna kam ka·gipa dolrangko mitelaha aro ia biapko tariani namgnirangko manderangna talate on·aha. Uandake ua a·jao songdonggiparangko uamangna on·enggipa cholrangko man·a dipet jakkalchina didiaha. Ia center-an an·chingni biaptango dingtang dingtang changa-sapanirangko ra·bana aro manderangni janggi tangani gadangko namdapatna mongsonggipa kamrangko ka·gen ine ka·donge ua parakataha.
PRIME Meghalaya a·dokni dingtang dingtang biaprango, mongsongbate songrang aro a·jarango janggi tangani cholrangko bikotgiparangna dakchakna ine gisik nange kamrangko ka·enga.
Na·simang ia video-koba nina man·gen:
Na·simang iakoba poraina man·gen: Meghalayani skotong minister Jirang constituency-ni Pahamjula songona re·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
