Shillong, Jan 29: UDP-ni MLA Mayralborn Syiem, Nongpoh-Umden-Sonapur ramani project-ko da·o dipet rama tariani kamrang namenga ine matnanganina aganchakaniko on·atengon, batanggimin 2024 bilsini December 10 tarikon ia ramako tarina pangchakaniko songe on·an baksana MDC election-rang matchota bakan kamrangkoba a·bachengataha ine kobor ra·timgiparangna Budbar salo u·iatangaha.
Syiem, rama tariani kamrangko somoi gita a·bachengatanina aro ding·karini somoioba dondikpilgija kamrangko ka·ahanina Dhar Construction-ko de·mitelataha.
Syiem, manderangni matnanganina aganchakaniko on·engon, dal·dalgipa project-rango chonchongipa neng·nikanirangde dongtelaia, indiba uarangni a·sel namgipa kamrangko nigalaniko dakna nangskaja ine janapataha. Ua manderangko skatang matnanganiko dakna skang chong·mot kattako name u·ichina aro bebe gita maiba neng·nikani donggenchimode, uni bidingo uming ba contractor baksa agan-golgrikaniko dakchina u·iataha.
Iani gisepon, ia tarienggipa ramarangara jinmani tangkachi tarigipa jinmani gam ong·a aro ia ramarangko nosto ka·na darangba bil dongja ine ua mikrakataniko on·ataha.
Neng·nikanirangko mesoke on·gipa manderangko Syiem de·mitelatengon, ian sakantikon simsakbate kamrangko ka·china dakchakaniko on·aha ineba ua janapataha. Indake ong·engon, iandakgipa neng·nikani bidingode jinma apsan chanchirimaniko dakna nanga jedakode jinmani namgnina ra·bagipa cholrangko apsan sandina man·gen ineba ua u·iatangaha.
Na·simang iakoba nina man·gen:
Na·simang iakoba poraina man·gen: ISIS-K dol ine ka·mikkenate tape dongiparangni kosako raka ja·kuko de·gen ine Tynsong ku·rachaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
