Boko, Jan 29: Bisi gnanggipa cha·aniko cha·manani a·sel, Boko ning·o ga·akgipa damgittam songrangoni sak 150 mang batpile manderang saaniko man·aha.
Ia songrangara, Jobepara, Rongsepara aro Bhogdabari ong·a.
Sak 50 mangni gita me·a aro me·chikrangni rang·gitik bilongbee saako man·ani a·sel ia damgittam songrango donggiparangna jajrenganiko ra·baaha.
Indake bi·sarangko chanchape sak 48 mangni gita ia obostao ga·ake sagipa manderangko dingtang dingtang hospital-rango rimange sanna bannaniko on·enga aro uamangoni Dimple Boro aro Tushoram Boro-ko bilongbate saengani gimin Gauhati Medical College and Hospital (GMCH)-ona sanna bannaniko on·a watatskaaha.
Koborko man·soani gitade, ia manderang songo bia ka·gipao song·gipa cha·anirangko cha·ani a·sel ia saaniko man·aha ine u·ina man·aha, indake iani gisepon rongtalgijagipa chiko ringani a·selba indake saaniko man·a ama ine doctor-rang parakatskaaha.
Iani gisepon, Kamrup a·jani Health Department-ni medical team-rang Boko-ona re·baenba ia obostani chong·mot a·selko sandienga. Unbaksana damgipin songrangonaba re·ange chiko porikka ka·e nichina dolgni health team-rangko watataha.
Iandake sagiparang batrorogenchimode Boko PHC-ko palangrang chakjanaba donga uni gimin sagiparangko Bamunigaon Model Hospital-ona watatskagen ine doctor-rang u·iataha.
Na·simang iakoba nina man·gen:
Na·simang iakoba poraina man·gen: Nongpoh-Umden-Sonapur ramani project-ko matnanganina UDP MLA agachaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
