Resubelpara, Jan 15: North Garo Hills a•jani saksa chadambe Prangkybirth M Momin, 5 gipa changna India a•songo ong•atenggipa WAKO Indian Open International Kickboxing Cup 2026-o bak ra•na seokako man•aha. Ua Daram Tekalang-oni ong•a.

Ia tournament-ko February 4 oni 8 tarikona ong•atanggen aro uko India a•songni skotong New Delhi-ni Indira Gandhi Sports Complex-o donggipa KD Jadhav Indoor Stadium-o kal•anggen. Indake A•chik a•songni saksa chadambe International gadang-o bak-ko ra•na man•aniara A•chik a•songna rasong chaani ong•a aro ia tournament-o ua chebana man•ode A•chik a•songnasan mikkim rasongko ra•bajawa indiba India a•song gimiknaba ra•bagen.