Shillong, Apr 2: Mongolbar salo, National People’s Party (NPP)-ni ku•baltimgipa Himalaya M Shangpliang, NPP aro BJP apsan ong•ja aro NPP-ni dilenganichi, Citizenship Amendment Act (CAA)-ko Meghalaya a•dokko donchange ra•gataha inenba aganaha.
Indake, opposition party-rangni matnanganirangna aganchakengon, National Democratic Alliance (NDA)-ko a•bachengaton, ma•mongo BJP aro NPP bakrime kam ka•na a•bachengaha aro MDA-1 oba, NPP aro BJP aro gipin party jekai UDP bakrime sorkari rikaniko nikna man•aha. Apsan daken, MDA-2 oba, sorkariko rikanio, BJP-ba bakrime kam ka•enga ine Shangpliang aganchakataha.
Kobor ra•timgiparang baksa agangrikengon, re•baenggipa Lok Sabha Election-o, BJP dolni gita susagija NPP candidate Ampareen Lyngdoh-na chakpaaniko dakenganina uamangko mande ra•a, indiba, CAA, IPL iandakgiparangko ra•gatani bidingo NPP bak donga ine janapgenchimode, NPP aro BJP apsan ong•chongmotja ine Shangpliang aganaha.
NPP a•dokni manderangna warachakgipa ong•a ine aganengon, Khasi aro Garo ku•sikrangko Eighth Schedule-o napatna krenge kam ka•enga aro mikkangchiba ka•angkugen inenba NPP-ni ku•baltimgipa aganaha.
Unbaksana, IPL-ni bidingoba Assembly-o chanchirimaniko dakenga, indake NPP-ni gisik matsrame dilenganichi, ma•mongo CAA-ni bidingo chanchirimaniko dakenba CAA-ko ra•gatanioba donchangako man•aha. BJP baksa bakrime kam ka•enganiara dolsa dolgipinko mande ra•grikani gimin ong•a. Mikkangchiba a•dokni namgnina aro silroro namroroanina bakrime kam ka•angkugen ineba ua agandapataha.
Na·simang ia video-koba nina man·gen:
Na·simang iakoba poraina man·gen: Lok Sabha seat damgnikon chena NPP rake kam ka•enga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
