Guwahati, June 9: A·doko pekatgipa bosturangko bon·atna, June jani 5-oni 7 tarikona chong·motan sal 3-na Manipur a·dokni Churachandpur a·jao, Directorate Of Revenue Intelligence (DRI), Customs, 17 Bn Assam Rifles aro Manipur police apsan nangrimenba “Operation White Veil”-ko dakataha, jeon authority-ni manderang bang·bea pekatgipa bosturang chong·motan, kror 54.29 mang ong·gipa kg 7.7-ni heroin-rangko man·a baksana, kg 6.7 mang ong·gipa opium-rangkoba man·aha jeni dam-an International Grey Market-o tangka gong lakh 87.57 mang ong·gen. Uasan ong·aigija, am·sandianiko dakanio uamang lakh 35.63 tangkarang baksana Baofang walkie-talkie bolgni aro badingsrukanio jakkalgipa Maruti Eeco van gari bolsakoba man·aha.
Pekatgipa bosturangko palbadingani ba uandakgipa niam peanina rakbegipa sastirang baksa bilsi 10-na pattok ning·o dona man·gipa Narcotic Drugs and Psychotropic Substances (NDPS) Act-ni ning·o uamang chu·gimik sak 5 manderangkoba rim·aha.
June jani 6 tarik pringo, chanchichipenggipa Maruti Eeco van-ko Singngat Sub-Division-ni Thadou Veng-o donggipa nokona re·anganiko am·sandigipa dolrang ja·rikangenba, ge 219 sabon chipchakgipa bakos-rango heroin-rang baksana katom 8 aro te 18 silni tema-rango chipgimin opium-rangko official-rang man·aha. Saksa mandeko ia a·damoniko rim·na man·aha, indake sakgni joke katanggipako jamano Bualkot Check Gate-oniko rim·na man·skaaha.
Behiang songoniko jamano am·sandianiko dakanioba, katom 2 opium-rang baksana lakh 28.05 tangkarangkoba man·dapaha.
Indake koborrangko man·soenba, June jani 7 tariko, Border Pillar 46 chapchap donggipa Zoukhonuam song sambao chanchichipenggipa sakgni manderangko dongdipataha. Uamang noko tarigipa jollonggao ge 440 sabon bakos-o heroin-rangko ra·angengachim.
Sing·sandianirangko dakanio, Myanmar a·songoniko ia pekatgipa bosturangko buring diltugipa Indo-Myanmar sima ari gita Churachandpur a·jaona ra·napbaenga ine u·ina gita man·aha.
Da·o dipet, police dolrang rim·a man·gipa manderangni bimungrangko u·iatkujaenga.
Na·simang ia video-koba nina man·gen:
Na·simang iakoba poraina man·gen: Salgro salaram jolo gari cha•uenggipa dolko Assam Police rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
