Guwahati, Jun 9: Re•anggipa May jani 22 tariko badi ka•anio pangchake, Guwahati songjinmao donggipa Gitanagar-ni police-rang, Assam, Tripura aro Manipur a•dokrango gari cha•uenggipa dolko chadrapenba, ia dolni mande sakbongako rim•na man•aha.
Rim•ako man•gipa manderangara, Gagan Vaishya, Nayan Deka, Dhrituraj Deka, Sadiqur Rahman, aro Abdul Kachim Chowdhury ong•a.
Additional Deputy Commissioner of Police (ADCP) Sambhavi Mishra-ni u•iatani gitade, gari cha•ugipa dolni manderang, Guwahati songjinmani Patharquary jolo donggipa ‘Rent My Wheels’ agency gita garirangko cha•uronga.
Ia manderang, dam rakgipa garirangko para ra•mika dakenba ja•mano ia garirangko Mizoram, Manipur aro Tripura a•dokrangona ra•ange pale cha•ronga ineba ua aganaha.
Ia garirangni damrang lak 25-30-mang ong•ode, ia garirangko uamang lak 6 ba lak 7-mangna pale galrongskaa ineba ADCP aganaha.
Mishra-ni parakatani gitade, cha•ugimin garirangko gipin a•dokrangona ra•ange palanio Shillong-ni Sadiqur Rahman aro Abdul Kachim Chowdhury-an mongsonggipa manderang ong•a.
Ia dolko chadrapeanio police-rang, cha•ugimin bolbri garirangko man•aha ineba ua aganaha.
Rim•ako man•gipa mande sakbongaoni sakgnikode Shillong-o aro gipinrangkode Guwahati songjinmani Patharquary joloniko rim•na man•aha ine ADCP parakataha.
Na·simang ia video-koba nina man·gen:
Na·simang iakoba poraina man·gen: Raja Raghuvanshi-ko so•otanio jak donggiparangko rim•na man•anina Megh’ Police-ko mittela
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
