Shillong, 9 June: Sohra-ona (Cherrapunjee) bia ka•daldale re•bagipa jiksesaoni, segipa Raja Raghuvanshi-ko so•otanio jak donggipa manderangko sandie rim•na man•ahani gimin Meghalaya a•dokni Tourism Minister Paul Lyngdoh, Meghalaya Police-ko mittelpilangaha.
Sianggipa Raja Raghuvanshi-ni jikgipa Sonam baksana sakbri manderangko rim•ani ja•man Paul Lyngdoh, kobor ra•timgipa manderang baksa agangrikengon, Sonam an•tangni segipako so•mal done uko so•otna manderangko tik ka•aha ine Lyngdoh aganaha.
“Meghalaya-ni manderang jajrengna nangjaha. Chingni police dolrang bimung namgijako man•aoni jokaha. Special Investigation Team (SIT), Sohra-ni mountaineering aro rock-climbing association-rang baksa ga•nanggijagipa biaprang aro mikka-balwani a•sel neng•nikaniko man•genchimoba sianggipa mandeni manggisiko man•aha aro salsnini gisepon dos dakgiparangko rim•na man•aha,” ine Lyngdoh aganaha.
Sonam Raghuvanshi, uni segipako so•otna tik ka•gimin sakgittam manderang, chong•motan Vishal Singh Chauhan, Raj Singh aro Anand Kurmi baksa Uttar Pradesh-ni Ghazipur a•jao donggipa Nandganj Police Station-o an•tangtangko bame on•eaha aro ja•mano police-rang, dos dakgipa manderangoni Akash Rajput-koba rim•na man•aha.
Uandake Meghalaya Police-ni kosako ong•gija kattarangko agananina aro a•dokna namgija bimungko on•anina Tourism Minister, national media-ni badiaba dolrang baksana sianggipa mandeni nokdang aro dos dakgipa Sonamni nokdangkoba matnange aganaha. Indake a•dokko bodnam ka•gipa aro tol•gipa koborrangko on•gipa manderangni kosako FIR-rangko ka•aha aro niamko ja•rike uamangna sastiko on•gen ineba Tourism Minister aganaha.
Raja aro Sonam Raghuvanshi jiksesako, biap nidilgipa (guide) saksani dakchakna sing•ahaoba uamang jechakaha aro tour guide-rangko rimna gita touristrangko drana man•ja ine ua talatangengon, Sohra-o mamung kenna nangani dongja, aro ia obostara indake ong•giparangoni skanggipa chang ong•a, indiba mande so•otna miksonge re•bagenchimode uarangko champengna namen neng•a ine Lyngdoh aganaha.
Homestay aro hotel-rango CCTV camera-rangko tekchina aganaha, indiba Sohra gita dake apalgipa aro ga•nanggijagipa biap gimiko iarangko dakna amja ineba minister agangkuaha.
So•otna jakkalgipa atteko Guwahati-oniko breaha aro dos dakgiparang iako chanchisamsoen dakaha ine police-rang kobor on•aha.
Post-mortem report-ni gitade Raja-ni skoo damgni mata bu•ani chinrang dongani gimin attechi uko den•akon ine police-rang chanchichipenga.
Ia a•selni bidingo sandiangkuna aro obostako namedake niangna dos dakgiparangko da•o Meghalaya-ona rimbapilna sengenga.
Indake ong•engon, mongsonggipa tourist site-rango naljokaniko on•na aro mikkangchi iandakgipa a•selrangko champengna man•na gita sorkari nangani kri simsaksoanirangko dakgen ine ku•chakaha.
Na·simang ia video-koba nina man·gen:
Na·simang iakoba poraina man·gen: Raja Raghuvanshi-ko so•otanina sakbriko rim•a; Jikgipa Sonam-ba UP-o an•tangko bame on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
