Shillong, June 24: Opposition-oni jegalanirangko dakengmitingo, Khasi Hills Autonomous District Council (KHADC) Mongolbar salo financial year 2025-2026-na Rs. 5,24,640 bate budgetko parakataha.
“Chamsogimin korosrangko Rs 227,48,35,620 ine donsoenga aro ian Councilni revenue receiptrangna bata, jean Rs 227,53,60,260 ong·a,” ine Mongolbar salo summer sessionni a·bachengo budgetko mesokengmiting somoio Executive Member in-charge Finance, Seiborlang Warbah aganaha.
Asol budget-o adita nanganirangko on·chapna EC-ni tik ka·aniko niamni a·palo ong·a ine opposition-oni jegalahani gimin councilni chairman iani bidingo puonaniko dakna aganaha, uandake uni ja·mano budgetko parakataniko dakaha.
Budgetko parakatengmitingo, Executive Committee (EC) councilni kajina gilanirangko namdapatna cholrangko sandigen aro nangai nangjai koros ka·anirangko nirokatgen ine Warbah budgetko parakatengmitingo aganaha.
“Chonchongipa korosrangna simsakbo. Chone selanian dal·begipa jahasako napsrimatgen” ine Benjamin Franklin-ni agananiko janape, da·o dongenggipa EC namgipa aro kakketgipa sorkariko rike councilni korosrangko namdapatna jotton ka·gen ine EM aganaha.
Forest Gate-rango tangka gilanirangko dakna gipinni jako on·jawa aro council an·tangan tangkarangko gilgen ine EC tik ka·aha ineba Warbah parakataha.
Korosrangko komiatangkuna, trading licenserangko chapa ka·aniko departmentan dakgen aro indake dakanichi Lak 60 tangkarangko councilna kajina man·gen ine EC-ni chanchirimanikoba Warbah parakataha.
Uni aganani gitade, dingtang dingtang branch officerango professional taxrangko dakna online paymentkoba a·bachengatgnok. Una agreba manderangni nangnikani gimin, bye lawrangko rikna EC chanchipiltaianirangko dakgen ineba aganaha.
Council-o manderangko kam-o rakkina recruitment committeekoba a·bachengataha ineba Warbah janapataha.
Una agreba, 15th Finance Commission-ni gita 2020-2021 aro 2021-2022 bilsirangna Tied skanggipa installmentna sorkari tangkarangko on·aha ine aganaha. 15th Finance Commission-ni ning·o janapgimin niamrango gita schemerangna kam ka·anio, ADCrangna tangkarangko watatna skang, pilak proposalrangko E-gram Swaraj portal-o watatchengna nanggen. Indiba, technical kamrang namjani a·selo, ia niamrangko ja·rikanio ja·manchakaha.
Schemerangko portalo gapatani ja·mano, December 2024-o, 2021-22na ra, 12.15 kror tangkarangko council Untied Grant-ni ning·o skanggipa instalment dake man·soaha ine Warbah parakata. Da·o gnigipa instalmentkoba 2021-22-na (Tied aro Untied-na) portalo gapataha, aro 2022-23 bilsina schemerang aro proposalrangko gapatna kamrangko a·bachengataha aro nanggipa tangkarangko ma·mongoni ta·raken watatgen ine ka·dongsoenga ineba Warbah agandapaha.
Na·simang ia video-koba nina man·gen:
Na·simang iakoba poraina man·gen: East Garo Hills-oniko silchidarerangko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
