Itanagar, Dec 11: Pakistan-ni manderangna koborrangko on·timanina matnange police-rang Arunachal Pradesh-oniko sakgni manderangko rim·aha.
Jammu & Kashmir-ni Kupwara-o songdonggipa Nazir Ahmad Malik aro Sabir Ahmed Mir-ni sruksruk kobor on·timanirangko rim·a mane police-rang uamang sakgniko November 21 tariko rim·aha.
Nazir-ko Ganga songoniko rim·aha aro uni agananirangko pangchake Sabir Ahmed-ko apsan salon Abotani Colony-oniko rim·aha.
Koborrangko man·soani gitade, rim·ako man·giparang Arunachal Pradesh-o sipairangni re·ruraani aro kam ka·anirangni bidingo Paksitan-ni manderangna Telegram channel-gita koborrangko on·atengachim.
Police-rangko bilakbate am·sandianirangko dakengaha aro ru·utgija salrangani gisepon bang·bata kobor on·timgiparangko rim·na man·gen ine ka·dongsoenga.
“Ian namen kenani gnang ong·gipa obosta ong·a aro da·o am·sandianirangko a·bachengatmitingsan ong·engpiti. Chinga manderangni bakrimaniko nangenga,” ine saksa senior police officer parakataha.
Rim·ako man·gipa sakgni manderang Arunachal-ona re·baronggiparang ong·a aro dingtang dingtang a·jarang gita songrebae a·dokona chola-ba·rarangko paleronga ine koborrangko man·aha.
Kenani gnang uamang Kibitho, Anini aro Tezu-ona re·ange uamangko kamo rakkigiparangna bang·a nanggipa koborrangko sruksruk on·ataha.
Sing·doanirangko dakani somoio, sruksruk koborrangko on·timna uko Sabir Ahmed Mir tangkana rakkiaha ine Nazir Ahmad Malik aganangaha ine police parakataha.
Uamang sakgnian April ja-o a·dokona re·bae sruksruk koborrangko chimonge on·atna a·bachengaha.
Na·simang iakoba nina man·gen:
Na·simang iakoba poraina man·gen: MSPCB-ni solar panel-rangko CM a•bachengate on•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
