Shillong, Jan 27: Meghalaya High Court-ni gita, sorkarini bichalni ning•o ba patok ning•o sianggipa manderangna, gong 10-15 lakh tangkarangko a•dok sorkarini gita on•a nanga ine ge•etaniko, Supreme Court-ni gita Meghalaya a•dokoba ra•chakaha.
Indake, ia stay order-ko, 2024 bilsini January jani 22 tariko parakataha. Ia ge•etanio, High Court-ni gitan bichalkode ka•anggen, indiba, compensation-ko National Human Rights Commission (NHRC)-ni tik ka•gimin gita a•dok sorkarini gamna nanggen ine janapaha.
2023 bilsini August jao ‘Suo Motu’ case ong•ani somoio, sing•sandianiko dakenggipa dolrang, dugaapile third degree method-ko jakkalani a•selo bichal ka•ani ning•o ga•akenggipa koidirang siahani gimin, Meghalaya High Court-ni gita niatna skaniko parakaha. Indake, compensation-ni dam tang•doani a•selo a•dok sorkarini tangka Paisa gita neng•nikaniko man•ani jamansa, ia bichal ka•ani ning•o ba patok ning•o koidirangni siani bon•gen ine janapataha.
NHRC-ni “Haryana Model”-na chakpaaniko, HC-ni gita ra•chakjaha aro sianggipa nokdangni manderangna aro sianggipana dakchakaniko on•a nanga aro a•dokni official-rangko ka•mikenatna nangenga ineba HC janapaha.
Indake, ia compensation-ko sianggipa mandeni bilsi kri on•a nanga ineba Court-ni gita rai on•aha. Bichalni ning•o sianggipa koidirang, jemangan, bilsi 45-na bata, ua mandena gong lakh 10, bilsi 30-45-ona, gong lakh 12 aro bilsi 30-na komigipa manderangna, gong lakh 15-ko gamna nanggen ine tik ka•aha.
Ia tik ka•gimin compensation-ko Meghalaya sorkarini gita Supreme Court-na on•angaha.
Iakoba poraie nina man·gen: West Jaintia Hills district Amlarem songo donggipa saksa PMAY-Gni gita nok gital man·a
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
