Garobadha, July 13: Adita manderangni dokgrime siatgipa, Garobadha-ni St. Dominic Savio School-o skigipani kamko ka·enggipa Paul A.Marak sagina, kakket bichalko ka·e on·china Rema aro Ajong Mahari-rang aro jolo songdongenggipa manderang Rangatari songo mombatirangko so·e jinma dabiangaha.
Ia tom·bimonganio, Rangatari songni aro jolo donggipa manderang, St. Dominic Savio School-ni pamongrang, sister-rang aro skigiparang dongpae kalimpaaniko dakangaha.
Sianggipa Paul sagini FIR-o janapani gitade, ia a·sel July 8 tarikni attamni 5:30 bajimango ong·aha. Paul sagini jikgipa Sengsalchi R. Marak-ni aganani gitade uni segipa Kilseng A Marak ba Paul A Marak, dos dakgipa manderang chong·motan, Alek M. Sangma, Songkor G. Momin, Tenjing aro Pijush Ch. Sangma-ni gisepo, Rangatari dolong sepango nanggrikaniko nikeaha aro uamangni nanggrikaniko namatna ine salsekna jotton ka·on ia manderang Paul-ko chadrapenba dokgrimaha.
Indake doka man·ani a·sel sibokgiminko ua jolo donggipa manderang bakan Garobadha PHC-ona ra·angahachim. Indake ong·genchimoba rasonggribee ua simanaha ine PHC-o sanna bannaniko on·giparang parakatskaaha.
Ia a·selni bidingo Paul sagini jikgipa Garodoba OGC-ni In-charge-o July 9 tariko FIR-ko ka·angaha.
Paul A. Marak sagi, saksa mande ra·ako man·gipa skigipa aro songsalni manderangni ka·saako man·gipa ong·achim. Ia candlelight service ba mombatirangko so·e kalimaniko dakaniara, nokdangni manderangna ta·rake kakket bichalko ka·e on·china aro dos dakgipa manderangni kosako raka sastiko on·china dabiani ong·a.
Na·simang iakoba poraina man·gen:
Na·simang iakoba poraina man·gen: Jikgipa baksa galgrika ja·man Assam-ni mande saksa dut-chi aua
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
