Shillong, June 26: Cabinet Minister aro MDA-ni ku·wattimgipa, Paul Lyngdoh, a·dokni sima arirango so·sojengjeng ong·aniko bariatjachina batesa name chanchie kamko ka·china ine dingtang dingtang dolrangko Bristibar salo didiataha.
Unbaksana, je kam aro a·sel ong·genchimoba a·dok sorkariko matnangna jotton ka·simengani gimin, a·dok sorkari apsan nangrime dangdike on·asa jotton ka·enga ineba ua mikrakataniko on·angaha.
Batanggimin salo Lapangap-o a·sel ong·ani bidingo janapengon, iandakgipa obostarangko namatna gita a·dok sorkari, Assam sorkari baksa kamko ka·enga aro iani bidingo Deputy Chief Minister in-charge Home, Prestone Tynsong kobor-rangko u·iatskagen ine Lyngdoh aganaha.
Ia obostarang ong·engani gisepo a·dok sorkariko matnanganirangna aganchakengon, sima ario so·sojengjeng ong·anirang ru·uta bilsirangonin ong·baengaha aro ian walsani gisepo namatpilna amgipa ong·ja, uni gimin sorkariko matnangana bate iandakgipa obostarangko namdapatna apsan jak on·esa kam ka·na nangenga ine Lyngdoh mol·molataha.
Na·simang ia video-koba nina man·gen:
Na·simang iakoba poraina man·gen: Sak 200-na badepile chadambe me·chik bi·sarang Kumari Puja-o bak ra·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
