Guwahati, June 26: Ambubachi Mela matchota bakan, Guwahati-o donggipa Maa Kamakhya Temple-o Kumari Puja-ko ong·atskaaha jeon sak 200 mangna badepile dal·drobaenggipa me·chik bi·sarang bak ra·angaha.
Ia Puja-ko Guwahati Sahani Kawariya NGO-ni gita Bristibar salo ong·ataha. Ia Kumari puja-ara me·chikrangni maniani ong·a aro Goddess Shakti-ni rongtalgipa ong·aniko gisik ra·na manironga.
Indake toromni kamal Pandit Munnu Jha ia puja-ko maniani gamchatani gimin aganengon, ia puja-ko dakanichi a·jao donggipa rangnasan ong·aigija a·gilsak gimikna gisikni dal·roroani aro tom·tomaniko ra·bana dakchaka aro iako dakanichi tom·tomaniko aro pattianiko a·gilsak gimikona gipatgen ine aganaha.
Ia manianio bak ra·gipa chadambe me·chik bi·sarangba an·tangtangni gisiko kusi ong·aniko aro namnikaniko aganangaha.
NGO-ni member Raju Sahani, ia olakkichakram biapko chipgenchimoba uamang puja ka·aniko dontongjaha aro arrtitangko so·e donrongaha aro da·ode mondir-ko kulianihani gimin Kanyakumari Puja-koba pring walnioni pringni 10 bajiona ong·atenga ine aganaha.
Na·simang ia video-koba nina man·gen:
Na·simang iakoba poraina man·gen: EGH Police Km 10 katsusaaniko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
