Guwahati, Mar 8: Meghalaya a·dokni skotong Shillong songjinmao a·bachenggipa Polo Hotels Group, Assam a·dokni Silchar songjinmao, skanggipa five star hotel-ko gong crore 103-mang koros ka·e taridapna sienga aro ia project-na Assam Cabinet-ni ra·chakaniko man·aha.
Polo Hotels Group-ko 1991 bilsio Shillong songjinmao a·bachengaha aro da·o ia Hotel Group, India a·songni salgro salaram jolrango, dingtang dingtang mingsinggipa hotel-rangko chalaiengaha.
Meghalaya a·doko a·bachenge ia Hotel Group da·o salgro salaram jolrangosan ong·aigija a·songni salaram jolrangoba hotel-rangko kuliaha aro da·o ia company-o gimik damchet hotel-rang dongaha, jeonin damgnikode da·o chu·gimik taridape damdokkoba taridapna siengaha.
Indake ong·engon, Assam-ni Silchar songjinmaoba da·o skanggipa changna international standard-o five-star hotel-ko kulina siengaha aro ia hotel-ko Polo Towers Group, jako ra·e tarina sienga.
Official-rangni u·iatani gitade, ia hotel-o dam 100-mangni gita kuturirang donggen aro ia hotel-ko matchotna gita komibeoba bilsigni ba bilsigittamko nanggen.
Polo Hotels Group-ni Chief Executive Officer Deval Tibrewalla-ni aganani gitade, Silchar songjinmara, salgro salaram jolo mongsonggipa cholguga songjinmarangoni damsa ong·ani gimin ia biapo namnamgipa hotel-rangko nangenga aro ia biapo five-star hotel-ko kulianiara, Barak Valley-o namroro silroroaniko ra·baani gita ong·enga.
Silchar-o ia five-star hotel-ko kulianichi, Barak Valley jolrango kamrangko ka·e cha·na cholrangkoba on·ani ong·gen ineba Tibrewalla aganaha.
Na·simang iakoba nina man·gen:
Na·simang iakoba poraina man·gen: A·songni Vice President, Tripura Sundari Temple-ona re·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
