Shillong, Sept 22: North Eastern Hill University (NEHU)-ni skigiparang, chatro-chatrirang, office-o kam ka·giparang nangrime dolko bikote Joint Action Committee(JAC)-ko done, India a·songni President Pa Ram Nath Kovind-na, Prof S. K Srivastava-ko University-ni Vice-Chancellor ong·na on·angjachina mol·molaha. “Bia University-ni gadangko ra·onaha aro mikkim rasongko gimaataha” ine Association aganaha.
Sombal salo JAC-ni kobor-o parakani gita, Vice-Chancellor-na dorgasto galani gnigipa changna ong·engjok aro Prof Srivastava-ko vice-Chancellor ong·aniko ra·doangna on·ode, da·o gital Vice-Chancellor-na seokanio bak man·pagen ine ui·ataha.
“Ra·doani ong·angkuode, NEHU-ni itihas-o cholon bewalo namgijako, kakketgijako da·o dipet dongkuja, indakgipa Vice Chancellor-ko kamko ra·doani dongkuja· ine kobor ra·timgiparangna· aganaha.
Prof S K Srivastava-ni kam changgijanina, diksretanina kam-o dongangkujachina, chatro chatrirangni aro skigiparangni tom·tome re·jomani, jegalaniko mesokani ja·manoba mamingkon dakjaode ian kakketgijani aro kratchabeanisa ong·aigen ineba agandapaha.
Uni gimin JAC Prof. S k Srivastava-ko kamo donangkuaniko ra·chakna man·jawa aro jolni manderangni namgnina aro university-ni dingtanganina chel·chakna jegalaniko dakangkuaienggen ine kobor-o ui·ataha.
