28.8 C
Tura
spot_img

Ra·chakna man·gijagipa kamrangko je political dol ba uko chanchianiona ra·bana man·a :Hek

Must read

Shillong, Nov 22: Meghalaya Sorkari a·dokni tangkarangko jakkalsretahani gimin uko Lokayukta-ona bichalna ra·bana nanga ine Meghalaya BJP dolni changni chang singga sike dama doke roenganina, a·dok BJP dolni chubatgipa gadangni dilgipa aro Health Minister Pa. A.L.Hek, dolni pilak chanchianirango aro tik ka·e ra·anirango ua ku·cholsan ong·paa ine aganaha.

Je kamko jegaloba aro gualanirangko nikoba pangnan sakki gnangsa una ja·ku ga·na nanga aro maming saloba mandeni cholon ko jaksi ote rusigalna nangja, maiba ong·gijagipa ba kragijagipa obostarang ong·ode uko dol chanchianiona ra·bana man·a ineba aganaha.

NPP chi rikdilenggipa Meghalaya Democratic Alliance Sorkario BJP doloni saksa mangmang Minister ni gadango ong·engon, Pa. Hek sakanti MLA an manderangna kam ka·nasa an·tangtangko on·kanga, uni gimin je obostarangan manderangni namnikgijani ong·enga ba manderangni ra·chakani ong·jaenga ukode BJP dolsan ong·aigija je political dol ba chanchianiona ra·bana man·aia ineba aganaha.

spot_img

More articles

spot_img
-->

Latest article