Tura, Oct 6: Re•baenggipa October-ni 30 tariko ong•atna sienggipa Rajabala Assembly constituency-ni bye-election-na National People’s Party (NPP)-ni candidate Abdus Saleh, Budbar salo, Returning Officer CN Sangma-ni mikkango an•tangni susaani lekkarangko Tura-ni DC office-o on•eaha.
Accompanied Sh. Abdus Saleh for filing of his nomination papers as our party candidate for the upcoming by-elections for Rajabala constituency.
With people’s blessings, we look forward to serve the plain belt areas of Garo Hills. pic.twitter.com/B3O2HpV8wm
— Conrad Sangma (@SangmaConrad) October 6, 2021
Saleh-ni nomination file ka•ani somoio NPP-ni national president aro Meghalaya a•dokni Chief Minister Conrad K Sangma-ba dongpaaha aro NPP-ni bang•bea manderang DC office a•palo senge dongskaaha.Ia bye-election-na Abdus Saleh-an nomination file ka•chenggipaba ong•aha aro uni lekkarangko on•eani somoio uni jikgipa aro NPP-ni dilgiparangba dongpaaha.Rajabala bye-election-o NPP-ni candidate Abdus Saleh baksana BJP-ni Kingstone B Marak, Congress dolni Hashina Yasmin Mondol aro Congress MDC Ashahel D Shira-ba susaengachim. Congress dolni tikitko Rajabala-ni sianggipa MLA Azad Zaman-ni jikgipana on•ahani gimin Shira, gipin doloni ong•jaode Independent candidate ong•e susaskana miksongenga.
NPP-ni candidate Abdus Saleh, Mahendraganj constituency-ni gitcham skigipa ong•achim aro ua Mahendraganj bye-election-o skanggipa changna Independent candidate ong•e susaenba seokako man•chengahachim. Uni ja•manoba ua Mahendraganj constituency-onin gnigipa changna Assembly election-o susae seokako man•taiaha indiba bilsi bongani ja•man Mahendraganj constituency-ko reserved seat dakatahani gimin ua Rajabala constituency-ona apjitangskaaha aro 2013 bilsini Assembly election-o ua Ashahel D Shira-ni jako amako man•rikaha. 2018 bilsini Assembly election-oba ua Rajabala constituency-onin susataiahachim indiba ua ia chango Congress dolni gitcham MLA Dr Azad Zaman-ni jako amako man•taiaha.