Williamnagar, Jul 24: Re•anggipa July-ni 18 tariko, North Garo Hills a•jani Rajasimla songo bilsi 6 ong•gipa me•chik bi•sani gimaangani ja•man, ia me•chik bi•sako rim•srukanio jak donga ine chanchichipenggipa Sonjith Arengh-ko North Garo Hills a•jani police-rang, Bristibar pringo rim•na man•aha.
Police official-rangni u•iatani gitade, ia me•chik bi•sa gimaangaonin rim•ako man•gipa Sonjith Arengh-ba gimae dongchipengachim aro ua July-ni 22 tarik walo Rongjeng jolo waltuani ja•man, salgipino Adokgre Mitegittim-ona re•angskaahachim.
Ia mandeni bidingo koborko man•soenba police-rang, Budbar attamni 6:30 bajimango Mitegittim songona sokangaha indiba police-rangko niksoe ua katsona man•aha. Bristibar pringni 7:00 bajimango ia mandeko, Adokgre Mitegittim songni manderang rim•na man•aha aro uko 11:00 bajimango police-rangna pakwate on•ataha.
Da•o ia mandeko, Kharkutta Police Station-o done sing•sandianirangko dakkuenga ine u•iatengon, ia mandeko Sukrobar salo kachariona rimanggen ine police official-rang parakataha.
Koborko on•ani gitade, batanggimin somoirangoba ia mandeara, bi•sarangni kosako ong•gija dakani gimin POCSO Act-ni ning•o rim•ako man•gipa ong•achim. 2017 bilsioba Sonjith Arengh-ko POCSO case-na Kharkutta Police Station-o rim•aha indiba ua jamin man•e pattokoni jokahachim. Ia a•sel ong•ani somoioba ua district court-o bichal ka•ako man•engpitichim.
Na·simang iakoba nina man·gen:
Na·simang iakoba poraina man·gen: Mizoram-o pekgipa bosturangko bang·e man·a, a·palchini sakbri manderangko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
