Guwahati, Mar 25: Mingsa namen kenbegnigipa obosta ong•anio Guwahati songjinmani 12 Mile jolo Indian Oil Limited (IOL)-ni gas tanker-ko garini driver, ramasamo park ka•enba niamrangko pe•e gas-ko LPG cylinder-o chipe on•ako nikna man•aha ine jolo songdongenggipa manderang parakataha.Jolo songdongenggipa Subhash Boro-ni parakatani gitade, NL-02G 3878 Indian Oil gas tanker-ni driver-ko 12 Mile ramao, LPG cylinder ronggnio gas-rangko chipe on•ako nikna man•aha.

Ia bangbang ong•gipa cylinder-rangko AS-25EC 9362 auto rickshaw-o ramasamona ra•baaha aro ja•mano ia tanker-ni driver, niamrangko pe•e tanker-ni gas-ko ia cylinder ronggnio chipe on•angaha ine ua mande talatangenba, ua somoio maiba ong•nanggija a•sel ong•genchimode ia jolgimiko songdongenggipa manderangna kenchakna nangani ong•genchim ine parakataha.