Tura, Sep 26: Garo Hills-o git ring•anina mingsing minggamako man•gipa Riprap dolni bilsi 40 gapaniko maniani ba Ruby Jubilee Celebration-ko re•baenggipa December jao ong•atna siengani gimin ia manianiko ong•atna gita Riprap Fans Club, dingtangmancha Lucky Draw ba chitti kal•aniko ong•atenga.
Riprap Fans Club-ni president Vicky Rose N Sangma-ni u•iatani gitade, ia Lucky Draw ba chitti kal•aniko, re•baenggipa October 6 tarik attamni 2:00 bajio, Asanang kal•chakramo a•bachengatgen aro ia kal•aniko a•bachengatanio, ia Lucky Draw-na donsoenggipa boksisrangko jinmana mesokatgen.
Ia Lucky Draw-ko Riprap dolni frontman Browny R Marak-ni jakchi a•bachengate on•anggen ine u•iatengon, pilakkon ia Lucky Draw-ko a•bachengataniona re•bae bak ra•echina gita Riprap Fans Club-ni president didiataha.
Je manderangan ia Lucky Draw-ni tikitrangko palna nangnikengachim, ia Lucky Draw-ko a•bachengatani somoio tikitrangko ra•ena man•gen indiba tikitrangko ra•angani somoio an•tangtangni Identity Card-rangko mesokna nanggen ine Sangma u•iataha.
Na·simang iakoba nina man·gen:
Na·simang iakoba poraina man·gen: Tezpur University-ni kosako Zubeen Garg sagiko mande ra·ja ine matnangatanina sing·sandianiko dakchina ge·eta
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
