Shillong, Jul 25: Shillong songjinmani Police Bazar ramao ma•manti bosturangko palbadingengani a•sel apchangket ong•atako man•engon, ia ramao bostu palgiparangoni sak 282 manderangkode sorkari, MUDA Parking Lot-ona apjitatna man•aha.
Ia ramao apchangket ong•aniko namatna bilsigni batpile kamrangko ka•ani ja•man sak 282 badinggiparangkode sorkari, da•o MUDA Parking Lot-ona apjitatna man•aha.
Iani bidingo kobor ra•timgiparangna talataniko on•angengon, Khyndai Lad ba Police Bazar-ona salantian bang•bea manderang re•barongani gimin sorkari, ia biapo apchangket ong•aniko namatna gita bostu palbadinge cha•enggipa sak 1400 manderangni gimin name am•sandina a•bachengaha aro am•sandie nion sak 407 badinggiparangde Certificate of Vending (CoV)-ko man•na kragiparang ong•a ine nikna man•aha ine a•dokni Tourism Minister Paul Lyngdoh parakataha.
Ia sak 407 badinggiparangoni sak 311 badinggiparangde an•tangtangni CoV-rangko ra•manaha ineba Lyngdoh aganaha.
CoV-ko man•gipa manderangna te 365 stall-rangko rikaha aro ianoni sak 282 badinggiparangnade, jinmani nikanio chitti kal•atenba, stall-rangko sualataha ineba Lyngdoh aganaha.
Stall-rangko sualanio mikkang niteani grian re•baenggipa salrango bangki stall-rangkoba CoV man•gimin badinggiparangna sualatgen ine Tourism Minister parakataha.
Ian ramako re•ruraenggipa manderangna naljokaniko aro dongtoaniko on•asan ong•aigija bosturangko badinge cha•enggiparangnaba nambata cholko on•ani gita ong•enga ine janapatengon, ia kamko chu•sokatanio bakrimaniko on•ahani gimin Tourism Minister, Roadside Hawkers Association-koba mittelpilangaha.
Badinggiparangko apjitanio dakchakna gita sorkari, badinggipa sakpraknan changsano gong 10,000 ka•e on•an baksana jabongana kingking japrako gong 2000/- ka•e tangka paisako on•na tik ka•aha.
Na·simang iakoba nina man·gen:
Na·simang iakoba poraina man·gen: B’desh-ni sakchet manderangko Assam-o rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
