Imphal, April 18: Tronglaobi-o ong·a obostao sakgni bi·sarangko so·otani a·sel Manipur-ni a·kawe jolrango so·so jengjengg ong·ani batrikrikbaaha, jeni a·selan mande jinma jegalanirangko dakan baksana chel·chakgipa dolrang baksa nanggrikna a·bachengaha. Imphal East-o, kakket bichalko am·na bang·a manderangni re·ongkatbaani gimin chel·chakgipa dolrang jinmako katatna tear gas-rangko jakkalaha. Ia ong·a obostao saknaa man·gipa manderangna sana bananiko on·a uamangko Jawaharlal Institute of Medical Science-ona rimangaha.
Ia ong·a obostani kosako jegalani dingtang dingtang biaprang jekai Imphal East, Imphal West, Thoubal, Kakching baksana ia obosta ong·chakgipa mongsonggipa biap Bishnupur-onaba giproroangaha.
Ia case da·o, National Investigation Agency-ni jako ong·genchimoba, manderang ding·chaokuengan baksana jegalanirangkoba dakengkua.
Curfew-rangko adita biaprango neng·takatgenchimoba, obostarang ka·sinkujsengani gimin Bishnupur jolrangode champengatanirangko ra·galpilkujaenga. Ramarangko chapengatan baksana dokkanrang chipa, skulrang chipa aro mobile internet-rangkoba champengataha.
A·doko so·so jengjeng ong·aniko mesokani gita salantian jegalani aro nanggrikanirang ong·engkua.
Na·simang iakoba nina man·gen:
Na·simang iakoba poraina man·gen: Raj Sangma, uni skanggipa Assamese jawilwat Ram-o chong·mot dakgrikanirangko mesokgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
