Guwahati, April 18: A·chik actor Raj Sangma, uni skang tarigipa Assamese jawilwat Ram-ko April jani 24 tariko nakatatgen. Bilsi 32 ong·gipa Raj Sangma-ko uni martial art skill ba dakgrik dingrikani bidingo changa sapanina uko manderang namen u·itokachim. Uni Ram jawilwat-o maming visual effects (VFX) ba budu kae dakgrikanirangko mesokgija chong·mot dakgrik su·grikaniko mesokanggen ine ua aganangaha. 2019 bilsio nakatgipa Nach Romioi aro 2022 bilsini Hero jawilwat-ni ja·man ian uni 3-gipa jawilwat ga·akenga.
Ua mingsingbegipa actor-rang jekai Jackie Chan, Jet Li aro Tony Jaa-oniko didianiko man·aha. Uni martial arts-ko ranta ka·ani bilsi 20 mang gapengaha. Ram jawilwatni bidingo ua aganengon, ian dakgrik su·grikani bidingosan ong·aija indiba ian mikcha ka·saani bidingoba ong·a ineba aganangaha. Iani gisepon, Assamese actor-rang chong·motan Ravi Sarma aro Jatin Bora-onikoba ua didianiko man·aha. Meghalaya a·dokoni ong·genchimoba ua bang·bata somoion Assam a·doko dongbatronga ine aganengon, ua saksa A·chik (pagipa) aro Hajong (ma·gipa)-ni bi·sa ong·ani gisepon, Bodo jikgipako kimaaha, aro indake ua uni jawilwat-o Salgro Salaram jolo donggipa bang·a apalbegipa dakbewal rikbewalrangko mesokna ka·dongsoenga ineba ua janapataha.
Na·simang iakoba nina man·gen:
Na·simang iakoba poraina man·gen: Mandera•ja, dal•ampa: Jowai Post Office-ni bostu sokatanio man•dikataniko JSU jakora•e kam ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
